Modimo ke Mang? – Letšatši la 15
Moabedi wa Tšohle
(Di)temana ya Bibele
JESAYA 55
Morena o mema batho
Ekwa sello sa go loka go tšwa pelong ya Modimo go bohle bao ba swerwego ke tlala le lenyora, go tla go Yena go tlo reka, ntle le tefo, selo sefe goba sefe seo ba se nyakago. Ke selo sa go makatša go tšwa pelong ye e tletšego ka go loka. Pelo ya Modimo ke ya batho ba Gagwe gomme O nyaka go ba fa dinyakwa tša bona ka boleng bja go fetišiša moo e lego gore tšhelete e ka se be ye e lokilego kudu go bjona!
Mantšu a Pesalome 23:1 a boeletša maikwelo a:“Morena ke modiši wa ka; ga ke hloke selo.” Batho ba Modimo ba a tseba gore ge e le Modiši wa bona, O ba abela ka dilo ka moka tše ba di nyakago: ditulo tše botse le dinoka tše elago gabotse go lapološa meoya ya rena; tlhahlo ya go phela gabotse; bogona bja Gagwe go bona dinakong tše boima tša go tšhoša; tokollo go manaba a bona; go hlompha ke Yena le go keteka monyanyeng wo o lokišitšwego ke Yena; le lethabo la go sa felego Bogoneng bja Gagwe.
Modimo o tshwenyega kudu ka go phela gabotse moyeng ga bona gomme O ba kgopela go ka lebelela ka tsepelelo go seo ba se dirago – mahumo a a sa kgotsofatšego, a maaka ao a sa swarelelego, mohlomongwe go phegelela dilo tša go hloka mohola tša lešika la rena leo ka go se kgaotše le nyakago dijo tše di nago le phepo tša moragorago, tšeo di nago le ditswaki tša boleng bja godimo, eupša tšeo ka sewelo di phethagatšago dikholofetšo.
Go mathopša a Israele ka nako yeo ya histori, lenyora la semoya le tlala go be go le tlhoko e kgolo kudu go e na le lenyora le tlala ya nama. Ba be be arogantšwe le naga ya bona le lefelo la bona la borapedi, tšeo di ka bago di ba hlokišitše seo ba bego ba se tlwaetše semoyeng, gomme se šitišitše go gola ga bona. Modimo, ka lerato, o ba nea taletšo ye ya go huma.
Re mo kae lehono? Ekaba, le rena, re thopile go lefelo la rena la borapedi, lefelo leo le le botse moo re kago go ineela go pelo le moya wa Modimo? Ekaba re na le lenyora le le ntši ka ge meoya ya rena e nyorela tefo ya Gagwe ya godimo maphelong a rena? Ekaba re swaregile kudu ka dilo tšeo di re fetšago maatla maphelong a rena a letšatši le letšatši mo e lego gore, le ge re e ja le go nwa gabotse, re kitimiša dilo tšeo ge e le gabotse di ka se re kgotsofatšego? Ekaba re lebetše seo ka nnete e lego sa go loka, seo se ka tlošago lenyora memoyeng ya rena go ya go ile?
