Modimo ke Mang? – Letšatši la 17
Moruti yo a Lokilego
(Di)temana ya Bibele
Pesalome 25
Seo temana ye botse ya lehono e re botšago sona ka Modimo, morago ga go tiišetša potego ya Gagwe, ke gore ke Modimo wa tswalano gomme o re ruta ka Noši ka fao re kago phela ka go loka go ya ka melao ya Gagwe. Seo ke selo se sebotse! Go rutwa ke Modimo ka Noši yo a hlodilego dilo ka moka go tloga mathomong, gomme a tliša tsela ye botse go ya go lethabo le khutšo, ga se tokelo ye e sego bohlokwa!
Thuto le tlhahlo di bopa karolo e kgolo ya bophelo bja rena. Tshepetšo ya thuto e thoma go tloga nakong ya pelego magareng ga batswadi le ngwana, gomme e katologa go lelapa ka moka gomme, mo nakong, go setšhaba. Mengwaga ya pele ke mengwaga e bohlokwa ya tlhahlo ya go phela gabotse ka lapeng, le tokišetšo ya go ya lefaseng. Mengwaga e mentši ya go gola ga rena ke ya go ya sekolong moo re itemogelago dikhuetšo tša go fapanafapana, gomme go bohlokwa kudu go ba le thutišo yeo.
Re latela mohlala wa Modimo ka gobane ditsela tša Gagwe ke tša lerato le bohlale gomme ke Yena Setsebi. Ge Modimo a kgetha go ruta, go ra gore thuto e bohlokwa. Batho ba ba ntši ba na le go ya go theeletša seboledi seo e lego setsebi lefapheng la sona, e ka ba mongwadi, rakgabo, modiri wa beine, sereti, moapei, goba se sengwe! Ba thabela go kwa go tšwa go motho yo a nago le boitemogelo gomme o dirile selo sa bokgoni kudu. Eupša ke mang a botšišago gore ke eng seo se mo hlohleleditšego? Seo se fihlelelwago ka mehla go ithutilwe sona go tšwa go Mohlahli!
Modimo o be a bitša batho mengwakgolo go abela tsebo ya Gagwe mabapi le se se lego bohlokwa bophelong. Ga re re rute go hlola mohlare eupša O re fele bohlale bja go ka ithuta go gaša mohlare. Se A re rutago sona se bohlokwa ka gobane se ama boleng bja bophelo bja rena: rena, bjalo ka badiradibe, re hloka go ithuta ditsela tša Gagwe gomme re fetošwe go ba batho ba seetša. O dira gore re kgone go se fihlelela, eupša go tšwa go rena gore re nyaka go ithuta go le go ntši bjang ke gore re holega ga kaakang. Sekolong ka mehla o tla hwetša barutiši bao ba lokišetšago tše ntši go thuto ye e feleletšago e sa hole ka selo, ka lebaka la baithuti bao ba sa nyakego go ithuta.
Modimo ka go se fele pelo o nyaka gore re ithute ditsela tša Gagwe ka moka. Ke ka lebaka la eng Modimo a “lokile gape a tshephega”? Ke ka lebaka la gore o A tshwenyega gore ga re a rutega mabapi le ditsela tša Gagwe gomme bjalo ka badiradibe re lahlegile.
