Modimo ke Mang? – Letšatši la 3

Ke lehlaodi lefe la pele le le tlago kgopolong ya gago ge o nagana ka Modimo?

Ke nagana gore go tla ba go lokile gore go batho ba bantši lefaseng le mehleng yeno e ka ba lentšu bjalo ka bogolo, maatla, letago, borena goba bobotse, eupša go ba bantši, mohlomongwe go bao go “bona e lego go dumela” le go botšiša go ba gona ga Gagwe, go ka no se be le lehlaodi goba leswao potšišo. Go modumedi, lega go le bjalo, ga go pelaelo, Modimo ke Ramaatlaohle gomme ga A na thaka.

Go tloga go tlholo ya lefase Modimo o kwešišwa go ba Motho yo a Phagamego; Yo a sa bapetšwego le yo mongwe ka gobane Yena fela ke Ramaatlaohle, Motseba-tšohle, Yo a lego gona ka dinako tšohle, gomme ga a bapetšwe! Gomme ge re bala go Genese gore Modimo o bonagetše go Abrahama yo a bego a na le mengwaga ye masomesenyane-senyane le go itsebagatša bjalo ka Modimo Ramaatlaohle, re kwešiša gore e ka ba e bile boitemogelo bjo bogolo go yena. Lega go le bjalo Abrahama a phela go anega kanego! Re ema re maketše gore Modimo Ramaatlaohle a ka kgetha go bolela le monna yo a tlwaelegilego le go kgatha tema bophelong bja gagwe ka tsela e kgolo ya mehlolo. Gomme Modimo o bile le lebaka la go etela Abrahama ka gobane O be a na le morero ka bophelo bja gagwe, wa ditekanyetšo tše di makatšago.

Modimo o rerile go dira Abrahama go ba setšhaba se maatla le go šegofatša batho ka moka lefaseng ka yena, ka gobane ebile ka btho ba Bajuda moo Modimo A ikutolotšego go batho ba bangwe ba lefase ka sebopego sa Jesu Kriste. Wena o tsena kae? Ketelo ya Modimo go Abrahama e fetotše bophelo bja gagwe gomme o ngwetšwe ka historing bjalo ka mogwera wa Modimo. Ye ke kgopolo e botse: mogwera wa Modimo Ramaatlaohle! Ekaba o mogwera wa Gagwe?

Lehono Modimo o a re etela ka Morwa wa Gagwe. Ke ka Jesu Kriste fela moo maphelo a rena a kago fetošwa le go ka kgona go Mo tseba.

Ekaba se se re botša eng ka Modimo?