Modimo ke Mang? – Letšatši la 5
Mofetola Maphelo
(Di)temana ya Bibele
GENESE 32
GENESE 35
Ekaba e sa le wa nagana ka go fetoša leina la gago? O ka le fetoša ge e ba ka go dira bjalo o ka fiwa monyetla wa go thoma bophelo ka lefsa?
Ke ka sewelo go hwetša motho yo a thabišwago ke leina la gagwe bophelong bja gagwe, eupša batho ba bantši ba tla, ge nako e dutše e eya, tlwaela leina la bona ba gola le lona, le gaešita le ge go le leo ba ka bego ba se ba ikgethela lona. Lega go le bjalo, go na le dinako moo batho ba lekago go fetoša maina a bona ka gobane a na le ditlhalošo tše ba nyakago go ka di lebala. Mohlomongwe go be go na le ditlhalošo ka leina la Jakobo tšeo go lego kaone gore di lebalwe le tšona, gomme ke Modimo yo a tsebagatšago phetogo go yena ka tsela ye e tlišago maemo a maswa.
Ka Mangwalong ga go bontšhwe seo Jakobo a se nagannego ka leina la gagwe, eupša go ditemana tše go Genese 32 le 35, re bala ka ditiragalo tše pedi moo Modimo a tšweletšego go Jakobo gomme A tsebagatša gore o fetola leina la gagwe ka gobane o itšhupile go ba a swanelwa gomme ka leina le lefsa go tla tla tšhegofatšo e kgolo. Re botšiša gore ke ka lebaka la eng go swanetše go be bohlokwa go Modimo go fetola leina la motho le gore seo se re ruta eng ka semelo sa Gagwe?
Re lemoga gore Modimo o na le morero ka motho gomme O na le maatla a go fetoša maphelo, eupša ka phetošo ye O nea monyetla wa go thoma lefsa le go phumola tše di diregilego nakong ya go feta. Pejana go Genese re ithuta gore Jakobo e be le motho wa go loka. Bjalo ka mmamoratwa wa mmagwe, o hlohleleditšwe go ba le maaka go fihla boemong moo a boletšego maaka go tatagwe yo a bego a tšofetše gore a hwetše tšhegofatšo ya gagwe, morago ga ge a tšere tokelo ya tswalo go buti wa gagwe Esau. Ka manyami, sebe se se baka bonaba magareng ga bona gomme Jakobo o a tšhaba mengwaga ye masomepedi.
Eupša ge Modimo a fetoša leina la gagwe, re kwešiša gore O be a nea Jakobo monyetla wa go thoma lefsa le go ba le semelo se sefsa. Ka mogau wa Modimo Jakobo o tla kgona go tlogela nako ya gagwe ya go feta gomme a gatela pela go tšhegofatšo ye Modimo a mo filego yona.
Modimo ke Mang go nna?
