Modimo wa lerato, kholofelo, kgaugelo le khutšo – Letšatši la 10

Gona moo morongwa wa Morena a iponagatša go yena ka kgabo ya mollo e lauma e etšwa gare ga mošwana. Ya re ge a lebelediša, a tlabega a bona mošwana o tuka mollo eupša o sa swe. Eksodose 3:2

Modimo ke yena yo, mo mengwageng, o iponagaditšego go batho. Ye tee ya ditlamorago tša go wa ke gore rena, dibopiwa, re lahlegetšwe ke tumo ya rena ya tlhago ya go nyaka mmopi wa rena. Ye nngwe ke gore rena ka mehla ga re lemoge lentšu la Modimo le go le tseba gabotse.

Go na le mehlala e mentši:

Go tloga go mošwana wo o tukago mollo, Modimo o bitša Moshe le go itsebiša, “Ke nna Modimo wa borakgolokhukhu ba gago, Modimo wa Abrahama le Isaka le Jakobo.” (Eksodose 3:6)

Go 1 Dikgoši 19:12-13, re bala gore, “Gomme ka morago ga mollo gwa kwala lentšu la Morena a bolelela fase mola go ile tuu … Lentšu la re go yena: ‘Eliya, a o dira eng mo?’ ”

Tseleng ya gagwe go yo hlomara Bakriste kua Damaskose, Modimo o gadimiša seetša go Saulo le go bolela le yena, “Ke nna Jesu yo o mo hlomerego.” (Ditiro 9:5)

Modimo ke yena yo a tšwelago pele go iponagatša letšatši le letšatši go bana ba gagwe. Ka dinako tše dingwe, o dira ka tsela e makatšago le ka seabe se segolo bophelong bja gago. Ka tše dingwe, o itšweletša go dilo tše nnyane tša letšatši le letšatši.

Naa re a mo kwa? Naa re lemoga lentšu la gagwe?