Modimo wa lerato, kholofelo, kgaugelo le khutšo – Letšatši la 11
Modimo ke mang? (iii)
(Di)temana ya Bibele
EKSODOSE 3
Moshe a mo araba a re: “Ge ke fihla go Baisraele ke ba botša ke re: ‘Modimo wa borakgolokhukhu ba lena o nthomile go lena,’ ba tla mpotšiša ba re: ‘Leina la gagwe ke mang?’ Ke ba botše ke reng?” Modimo a re: “Ke nna yo ke lego yena.” A tiišetša a re: “O ba botše o re: ‘KE NNA o nthomile go lena.’ ” Eksodose 3:13-14
Ka Bibeleng ka moka, Modimo o šomišitše maina a go fapafapana go itsebiša go bana ba gagwe. Sa go makatša ke gore maina a ga a lorwa ke batho, eupša Modimo o tšea kgato ya pele, gomme se sengwe ka semelo sa gagwe le tlhago se fiwa batho ka leina la gagwe. Ge o ka boela morago go Seheberu sa mathomo, maina a go fapafapana a Modimo a hlaloša dika tša go fapafapana tša Modimo, bjalo ka kristale ya dikarolo tše ntši.
JEHOVAH (YHWH) – “KE NNA”: Yo a lego Gona; Yo A Phelago
ELOHIM – Ramaatlaohle; Mmopi o Tee
JEHOVAH-TSIDKENU – Morena go Loka ga rena
IMANUELE – Modimo o na le rena; “KE NNA”
ADONAI – Morena Morena wa ka yo Mogolo
JEHOVAH-RAPHA – Modimo yo a Fodišago
JEHOVAH-ROHI – Morena ke Modiši wa ka
JEHOVAH-SHAMMAH – Modimo Yo a lego gona
ELROI – Modimo Yo a Mponago
EL SHADDAI – Yo a Lekanego; Modimo wa Dithaba; Modimo Ramaatlaohle
Maina a ke dipharologantšho tša Modimo. A hlaloša yo Modimo e lego yena le ka fao Modimo a lego ka gona. Ke tlhago ya gagwe. Se ke se re ka se letelago go tšwa go Ramaatlaohle!
