Modimo wa lerato, kholofelo, kgaugelo le khutšo – Letšatši la 14


Kriste ke morara
(Di)temana ya Bibele
JOHANESE 15
“Dulang le le ba tee le nna, gomme le nna ke tla dula ke le o tee le lena. Lekala ga le kgone go enywa ka bolona, le kgona fela ge le kopane le morara. Ka wona mokgwa woo le lena le ka se kgone go enywa dikenywa ge le sa dule le le ba tee le nna. Morara ke nna, makala ke lena. Yo a dulago e le o tee le nna, le nna ke le o tee le yena, o enywa dikenywa tše dintši, gobane ka ntle le nna le ka se kgone selo.” Johanese 15:4-5
Ye nngwe ya dilo tše ke di gopolago ka bjana ba bana ba ka ke morwedi wa ka o mogolo, a sa tšo fetša mengwaga ye meraro ka nako yeo, a khunamela ngwanabo wa mosetsana yo ke bego ke mo gokere ka matsogong a ka, gomme ge a bona seswantšho sa gagwe ka gare ga mahlo a gagwe lekga la pele, o ile a ntebelela ka go makala a re, “Bona, mma, ke ka gare ga mahlo a gagwe! Bjale nka se hwe!”
Ga se ka nagana ka seswantšho se se bonalago gabotse go e na le se go ntutuetša gore ke sepele kgauswi le Kriste; kgauswi kudu moo ke iponago ka gare ga mahlo a gagwe, kgauswi kudu moo ke kgonago go bona go phela ka go sa felego ga ka.
Go nna, seswantšho se bjalo ka modumedi yo a lego bjalo ka lekala la morara wa nnete, wo e lego Kriste. Re swanetše re be kgauswi kudu le Kriste. Ka ntle le yena re ka se kgone selo. (Temana ya 6: “Yo a sa dulego e le o tee le nna o a lahlwa a omelela go etša lekala ge le lahlilwe la omelela.”) Ge re sa phele kgauswi le Kriste le go ba le tswalano ya nnete le yena, re ka se tšweletše dienywa.
Kriste o hlologela go ba le tswalano le ngwana yo mongwe le yo mongwe wa gagwe. O nyaka go ba kgauswi kudu le rena letšatši le letšatši.