Bible Society of South Africa
Riélle Heine

Modimo wa lerato, kholofelo, kgaugelo le khutšo – Letšatši la 3

Kgauswi le Modimo

(Di)temana ya Bibele

JAKOBOSE 4

8Batamelang Modimo, gomme le yena o tla le batamela. Hee, lena badiradibe, lesang go dira dibe! Itlhwekišeng dipelo, mapelopedi tenang!

JAKOBOSE 4:8NSO00Bula go Mmadi wa Bibele

Pesalome 50

15Ke mo ke tlago go hlakodiša ge o mpitša mohla wa mathata,

gomme wena o tla ntlhompha.”

Pesalome 50:15NSO00Bula go Mmadi wa Bibele

JESAYA 59

Moprofeta o kgalela setšhaba dibe

1Le se gopole gore Morena ga a ne maatla a go kgona go le thuša, goba o thibane ditsebe mo e lego gore a ka se kwe dillo tša lena!

JESAYA 59:1NSO00Bula go Mmadi wa Bibele

Batamelang Modimo, gomme le yena o tla le batamela. Jakobose 4:8a

 

Bibele e tletše ka dikholofetšo tša Modimo. Lentšu la gagwe ke lengwalo la lerato go rena, bana ba gagwe le baratiwa ba gagwe. Kgafetšakgafetša, o tiišetša gape lerato la gagwe le tlhokomelo go rena.

 

Modimo o amogela le ge e le boiteko bjo bonnyane go tšwa go bana ba gagwe bja go nyaka bogona bja gagwe. Gaešita go ngunanguna ka leina la Modimo go a mo thabiša. Ka mehla o itokišitše go go amogela. “O mpitše,” o realo Morena go Pesalome 50:15, “ke tlago go hlakodiša.” Gomme go Dillo, Jeremia o hlatsetša gore Modimo o mo hlakodišitše ge a mmitša.

 

Modimo o nyaka go ba karolo ya mathata a gago a letšatši le letšatši. Maitekong a rena a go nyaka go dira tše re di ratago goba ge re hlokomologa go dira Modimo karolo ya motsotso o mongwe le o mongwe wa go phela ga rena, re itima ditšhegofatšo tše ntši gomme re ikgotsofatša ka tše nnyane.

 

Modimo o nyaka go abagana kgaugelo ya gagwe. O re mema leboelela lentšung la gagwe. Lehono, re gopola mantšu a Jakobose ao a re botšago gore Modimo o nyaka go ba karolo ya maphelo a rena. Ka Morwa wa gagwe, Jesu Kriste, bjale re bajalefa-gotee gomme re karolo ya tše ntši tša mmušo! Bitša Modimo, mo o ka bago o le gona bjale. “Le se gopole gore Morena ga a ne maatla a go kgona go le thuša, goba o thibane ditsebe mo e lego gore a ka se kwe dillo tša lena!” (Jesaya 59:1)

Bible Society of South Africav.4.28.1
RE HWETŠE GO