Modimo wa lerato, kholofelo, kgaugelo le khutšo – Letšatši la 6


Homola
(Di)temana ya Bibele
MARKOSE 6
Ka ge batho ka bontši ba be ba etla go yena ba bangwe ba tloga, yena le barutiwa ba gagwe ba ile ba hloka le nako ya go ja. Ka gona a re go bona: “A re yeng mo gongwe mo re ka bago noši, gore le kgone go khutša gannyane.” Markose 6:31
Barutiwa ba boile go tšwa go thomo ya bona morago ga ge Jesu a ba romile, ka babedi ka babedi, go hlahla batho gore ba sokologe le go ba fodiša. Ba lekile go begela Jesu eupša ba šitiša ke lešaba moo ba paletšego ke go ja. Gomme Jesu a tšea taolo ya boemo a re, “A re yeng mo gongwe mo re ka bago noši, gore le kgone go khutša gannyane.”
Jesu o dirile nako ya go ba a nnoši, le ge a be a swaregile kudu, eupša gape ka lebaka la gore lenaneo la gagwe le be le tletše. Ke kgopolo ye re katanelago go e kwešiša – go dira nako ye ntši ya go homola ge dišetule tša rena di gateletšega; gore re be le nako e ntši re le noši.
Nako ye ya gore o homole e ka se no tla fela. O swanetše go tšea sephetho sa go e dira. O hloka go fokotša lebelo le go ema. Bjalo ka dikoloi, kgafetšakgafetša re hloka go bušetša kere go dikere tša fase le go tima entšene gore re kgone go khutša. Ke fela ka nako yeo moo re kgonago go ba le pono le go hwetša maatla gape.