Naa Monna yo o be a tlile go dira eng? – letšatši la 3

Bontši bja rena re na le mokgwa wa go tswalela diširo tša rena go ka thibela mahlo a batho ba go nyaka go tseba le bosenyi ge le swiswala.

Morago ga go wa ga motho, seširo se arogantše Modimo le motho. Re be re se sa tseba yo Modimo a bego a le Yena. Modimo a se sa kwešišega le go hlalošwa gabotse go rena. Ra se sa tseba yo Modimo e lego yena. Ge Tabanakele e agwa, Modimo a laela gore go be le seširo bodulong bja gagwe, se šira felo mo Gokgethwakgethwa. Modimo dirile se go thibela batho ba gagwe go bokgethwa bja gagwe bjo bogolo. Seširo ka Tabanakeleng, gomme morago ka Tempeleng, e be e le sešupo sa gore dilo ka moka ga di a loka magareng ga Modimo le motho.

Markose o be a hlapogetšwe ge a ngwala ka se se diregilego mabapi le lehu la Jesu. O bolela fela dinnete tše bohlokwa. Ge o nyaka go tseba gore go bapolwa ga Jesu go ra go reng, bala se Markose a se ngwalago: Ge Jesu a tlogelwa ke Modimo gomme a hlokafala, seširo goba sešireletšo ka Tempeleng sa kgeiga go tloga godimo go ya fase. Baprista ga se ba ka ba bule seširo goba go se kgeila go ba diripa tše pedi, e be o ka re letsogo la khupamarama go tšwa legodimong le kgeitše seširo magareng ga Modimo le motho.

Nnete ye e tee e na le tlhalošo e kgolo. Bjale tsela go ya go Modimo e bulegile gape. Go ipona molato ga gago le ga ka go bego go thibela tsela go ya go Modimo bjalo ka seširo, go patetšwe. Bjale re ka ya go Modimo ka ntle le thibelo.

Jesu ka boYena ke nnete le tsela. Bjale ka gore go na le tsela ya go ya go Modimo gape, tsela ya tebalelo, seširo ga se sa le bohlokwa. Modimo ka boYena o butše diširo tša legodimo gomme o re go wena le nna: E tla go nna, o ka ba ngwana wa ka bogoneng bja ka.