Thapelo – Letšatši la 13

Ka dinako tše dingwe go boima go rena go ka rapelela ka nnete thato ya Modimo gore e direge. Tlhopego ya Jesu ka serapeng sa Getsemane ke taetšo ya ka fao go ka bago boima ka gona go dira thato ya Modimo. Gomme Jesu o bea kgopelo ye pele, gammogo le dikgopelo tše dingwe tše pedi go ditemana tša matseno tša thapelo ye: “leina la gago a le kgethwe; mmušo wa gago a o tle; thato ya gago a e dirwe.”

Temana ya pele ya Segerike ga e kwešišege gabotse. E ka bolela gore “thato ya gago a e dirwe mo lefaseng bjalo ka ge e dirwa legodimong” goba “thato ya gago a e dirwe bobedi legodimong le lefaseng”. Mohlomongwe Jesu o thoma thapelo ka tsela ye go retološetša dipelo tša rena go mmušo wa Modimo, a re gopotša go ka kganyoga thato ya gagwe gore e dirwe bobedi lefaseng le legodimong.

A ka kgetha go šomiša matsogo le dipelo tša rena go tliša mmušo wa legodimo lefaseng. Gomme ge ke rapela, “mmušo wa gago a o tle”, ke mema Modimo go ntšhomiša bjalo ka sedirišwa go thuša go tliša mmušo woo, bobedi mo le moo bohle ba tlago phela lethabong la lerato la go ya go ile la Modimo.