Thapelo – Letšatši la 14

Kgopelo ye bonolo ke thapelo o kgopela dinyakwa tša letšatši le letšatši tša bophelo bjalo ka dijo tša letšatši. Ge Jesu a ruta thapelo ye, mohlomongwe o be a e ra selo se bonolo – gore re kgopelo dinyakwa tša motheo tša go phela go Modimo.

Boemong bja boikgopolelo, go kgopela bogobe bja rena bja letšatši le letšatši go re gopotša go se boloke tše re di hlokago gosasa, goba išago, eupša go phela gabonolo, re tshepha gore ka nnete o tla re fa dinyakwa tša rena ka moka. Baisraele ba ithutile se gaboima ge ba botšwa go kgoboketša manna lešokeng letšatši le letšatši gomme ba sa a bolokele letšatši la go latela. Ka nnete se ga se re gore re ka no rapela fela gomme ra dula, re letetše Modimo go tliša dilo ka moka mojakong wa rena! Eupša go ra gore re ka mo tshepha go bona gore re hwetša dinyakwa tša rena tša motheo.

Lega go le bjalo, thapelo ga e re gore go rapelela rena re le noši. Go rapela ka tsela ye go ka re dira gore re tšee kgato – re ka ba bao Modimo a ba kgethago go araba thapelo ye go ba bangwe. Ge e le gabotse, Bakriste ka moka ba a bitšwa go fepa ba bao ba swerego ke tlala, go apeša bao ba sa aparago selo le bahloki. Ka moka re a bitšwa go kgatha tema go abeng methopo ya lefase ka tsela ye bohle ba kago ba le “bogobe bja letšatši le letšatši”.