Thapelo – Letšatši la 17

Jesu o kgopela bjang Tate gore a re phološe bobeng? Go Johanese 17:15 o a rapela: “Ga se gore ke kgopela gore o ba tloše mo lefaseng; se ke se kgopelago ke gore o ba phemele go Yomobe.” Re a tseba gore go na le maatla a bobe kua ntle gomme leano la wona le legolo ke bofora. Gobane ka morago ka teko go eme moleki, morago ga maaka go eme ramaaka, morago ga mahu le tšhollo ya madi go eme “mmolai go tloga mohlamonene” (Johanese 8:44).

Jesu o tla re thibela bjang bobeng? Go Johanese 17:17 o kgopela Tate go ba “kgethwafatša ka therešo; gape tše di bolelwago ke wena ke yona therešo”. Ka go ba kgethwafatša o ba kgontšha go lemoga le go fenya teko ya go ka bolela maaka le bofora.

Pheko go maaka a mangwe le a mangwe ke therešo ye e hwetšwago ka Mangwalong. Ge e le gabotse, ga go na pheko ya maaka ka ntle le therešo. Ka gona, ge maaka e le tsela ye yomobe a šomago ka yona, tate wa maaka, gomme therešo ya Modimo e tla re lokolla!