Thapelo – Letšatši la 3

Magareng ga dikgoši tša Testamente ye Tala, Hiskia o bonwa bjalo ka yo mongwe wa dikgoši tše kaonekaone. Mangwalo a ngwetše gore ga go kgoši pele goba ka morago ga pušo ya gagwe ye e bego e le kgauswi le Modimo bjalo ka yena. Lega go le bjalo, bogareng bja bophelo bja gagwe, Hiskia o a lwala gomme o botšwa ke moprofeta Jesaya gore o tlo hwa. Hiskia a rapela go Modimo go mo fodiša, gomme a lla gasehlogo gomme Modimo a romela Jesaya go yo botša kgoši gore o tla mo okeletša bophelo bja gagwe ka mengwaga ye lesomehlano.

Hiskia o arabile ka go reng? Ga se a ka a leboga goba go tumiša. Go e na le moo, a nyaka bohlatse bja gore ka nnete phodišo ya gagwe e tšwa go Modimo. Gomme ge baeng ba bohlokwa ba etla go mmona, Modimo a mo lebelela go bona ge e ba o tla fa bopaki bja phodišo ya gagwe. Eupša a se dire bjalo.

Jesaya a etela mošate wa Hiskia gape a tliša molaetša go tšwa go Modimo; lekga le lega go le bjalo, go be go se ditaba tše botse. Hiskia a kwa gore e se kgale o tlo ya bothopša, le gore barwa ba gagwe e tla ba makgoba go kgoši ya Babilonia.

Kanegelo ya Hiskia e re ruta gore Modimo ke Modimo wa kgaugelo, eupša ga a hlankele rena. Eupša ge re rapelela phodišo gomme Modimo a araba dithapelo tša rena, go bohlokwa go mo fa letago.