Re bolokegile go Jesu Kriste – Letšatši la 21

Ba tletše ka Moya wo Mokgethwa, Baapostola ya ba batho ba ba mpshafaditšwego. Ba maatlafaditšwe ka dimpho tša go ikgetha go ba hlamela bodiredi bja bona, ba phatlalatša ebangedi, ba dira mehlolo le dimaka tše ntši. Batho ba diketekete ya ba Bakriste.

Moprista yo mogolo, bathekgi ba gagwe le Basadusei ba gana dithuto tša Jesu. Le ge go le bjalo, go sa šetšwe matšhošetši, go swarwa le go golegwa, ditshekišo le go bethwa ka difepi, Bapostola ba se kgaotše go bega ebangedi ka leina la Jesu.

Kereke ya pele ya phatlalala le go gola ka lebelo go sa šetšwe kganetšo e kgolo (Ditiro 12:22-23). Nakong ye, Heroda Agripa 1 ya ba kgoši ya Palestina. O thomile tlhomaro ya pele ya mošate kgahlanong le kereke ya Bakriste. Kgoši o bolaile Moapostola Jakobose. Ge a bona gore seo se kgahlile Bajuda, a boeletša a swara le Petrose.

Petrose a tlengwa ka diketane gomme a lahlelwa kgolegong a letilwe ke dihlopha tša bahlabani, go fihla ge morongwa ka mohlolo a hlakodiša Petrose le go mo thuša go tšhaba kgolegong. Heroda a galefa kudu gomme a laelwa gore bahlabani ka moka ba bolawe (Ditiro 12:18).

Heroda a etela batho ba Tire le Sidone bao a bego a ba galefetše. Ba ile ba mo kgopela kagišano ka ge naga ya bona e be e phela ka tše di lengwago nageng ya gagwe. O ile a dumela go bolela phatlalatša. Ya re ka letšatši le le beilwego Heroda a apara tša bogoši, a dula setulong sa gagwe sa bogoši, a bolela le bona. Lešaba la goa la re: “Yo a bolelago yo ga se motho, ke modimo!”

Bibele e utolla gore, gateetee, morongwa wa Morena a otla Heroda, ka ge a be a dirile gore batho ba tumiše yena bakeng sa go tumiša Modimo (Ditiro 12:22-23). A longwa ke dinogana ka maleng a ba a hwa. Temana e e latelago Bibeleng e re, “Lentšu la Modimo lona la fela le phatlalala le keka.” (Ditiro 12:24)

Go sa šetšwe kganetšo e e tšwelago pele, le sa gola le go keka le lehono. Go ukangwa gore go na le Bakriste ba go feta 2 325 507 000 lefaseng gomme palo e a oketšega! Morena ga a tumišwe!