Tema ya mehlare ka Bibeleng – Letšatši la 12

Gaešita le lehono, mehlare ya meeike e tsebja ka go swarelela nako e telele le maatla. Moeike o o tiilego o eme bjalo ka hlatse go ditiragalo tše ntši. Jakobo a tšea medimo e šele go maloko a lapa gomme a e epela ka tlase ga mohlare wa moeike kua Shekeme (Genese 35:4). Go be go le ka mohlare wa moike gore, mengwaga morago, Joshua a tšea medimo go setšhaba sa Israele, bao ba tshepišitšego go hlankela Modimo wa kgonthe (Joshua 24:14-26).

Go sa šetšwe maatla a wona ao a tsebjago, o ka ba o šetše o lemogile gore mohlare wa moeike o na le dikamano tše mpe gape. Mehlare e mengwe ya meeike e be e le mafelo ao go khunamelwago medingwana (Hosea 4:13), gomme dithokgwa tša meeike kua Bashane e be e le sešupo sa boikgogomošo le bophagamo (Sakaria 11:2).

Mohlare o bjalo ka temošo go rena — go bonolo go ikgogomoša, go ipha dipataka ka se re se dirago gabotse le go thabela dikatlego tša rena. go bonolo go dira tšhelete modingwana, go tsepelela go katlego ya lefase go e na le diphenyo tša moya. Ge Modimo a re fa phenyo karolong efe goba efe ya maphelo a rena, a re se lebale mothopo wa katlego yeo. A re kgetheng boikokobetšo, ka gobane Modimo o nea mogau go bao ba e thobilego.