Tema ya mehlare ka Bibeleng – Letšatši la 14

Pele ga ge Modimo a ka tliša kahlolo ye, Baisraele ba be ba ngongoregela Moshe ka go hloka meetse. Matšatši a mararo ba sepetše leganateng ntle le meetse gomme ge ba hwetša meetse kua Mara, a be a galaka. Moshe a llela Modimo yo a mo laeditšego kotana yeo a e lahletšego ka meetseng go dira gore meetse a nwege. Ka moragonyana ga fao, Baisraele ba fihla Elime.

Mehlare ye 70 ya mepalema sedibeng moo Baisraele ba bego ba hlomile mešaša lebaka la kgwedi e re ruta tše ntši ka go phela dinakong tše boima. Mohlare wa mopalema ga o mele fela leganateng; o atlega kudu. O kgona go dira se sestemo ya medu ya wona ya go ikgetha ye nago le bobedi modu o mogolo wa o phuleletšago tlase le neteweke ya medu e boleta ye e sa phuleletšego tlase. Modu wa go phuleletša o swara mehlare ya mepalema e metelele e tekateka moyeng ntle le go wa mola medu e mengwe e phatlalala go ya ka mathoko ka moka go goga meetse. .

Ge re obamela Modimo, o tla re abela le go re matlafatša gore re kgone go phela lefaseng la leganata. Re ka se phele go lona ntle le ditlhohlo, eupša Modimo o re file sestemo ya rena ya go iphediša – thapelo. Isarele e ngongoregile ge e kopana le ditlhohlo. Moshe a rapela Morena. Go ngongorega go tsepelela go motho ka boyena; thapelo e tsepelela go Morena le methopo ya gagwe.  Go ngongorega go ithekgile go letšhogo, thapelo e ithekgile go tumelo.

Elime ke sešupo sa tše ntši tše Morena a tlago di abela Israele ge fela ba obamela. Morena o tla re fa dinyakwa tša rena. Se fela re swanetšego go se dira ke go mo obamela, re be le tswalano le yena, le go sepela le yena.