Moya wo Mokgethwa – Letšatši la 15

Maabane re tsepeletše ka fao Moya wo Mokgethwa o gopotšago le go ahlola barutiwa ba Jesu, ba kgale le ba bjale, ka dithutišo tša Gagwe le kgonthe ya Mangwalo. Lehono re lebelela nnete ya gore Ke Mothopo wa wona, hebetšo ya wona, gomme mongwadi yo mongwe le yo mongwe o kgontšhitše ke Yena mošomong wa bona. Go se go na le maatla a Bibele, Lentšu la Modimo, ge a fihla dipelong le dikgopolong go boemo bjo bongwe le bjo bongwe gomme a itlhaola go puku efe goba efe e sa lego ya ngwalwa. Paulose o ngwala gore, “Mangwalo a Makgethwa ka moka a ngwadilwe ka go huetšwa ke Modimo, gomme a hola go ruta therešo, go kgala ba ba fošago, go sokolla batho, le go laya batho gore ba phele ka tshwanelo, gore motho yo a ineetšego Modimo e be yo a kgonago gape a loketšego go dira mediro yohle ye mebotse” (2 Timotheose 3:16-17). Bibele e tletše ka thutatumelo, histori, diprofeto, direto le dikanegelo, gomme se bohlokwa, tsela ya phološo ka Jesu Kriste!

Batho ba bangwe ba bohlokwa ba dumetše bohlokwa bja Bibele le seabe sa yona go lefase. George Washington, mopresidente wa pele wa United States, o rile: “Ga go kgonege go buša lefase gabotse ntle le Modimo le Bibele.” Horace Greeley, morulaganyi wa New York Tribune, o rile: “Ga go kgonege go ka dira batho ba ba balago Bibele makgoba a kgopolo goba a leago. Melao ya Bibele ke motheo wa tokologo ya batho.” Immanuel Kant, mofilosofi wa Mojeremane, o rile: “Ke dumela gore go ba gona ga Bibele ke mohola o mogolo go lešika la batho. Boiteko bjofe goba bjofe bja go inyenyefatša … ke bosenyi kgahlanong le batho.” Ke mantšu a maatla go tšwa go batho ba maatla.

Ge Moya wo Mokgethwa O hebetša motho goba sehlopha, O kwešiša gabotse dinyakwa maemong a itšego. Ga O abe fela tšhišinyo e bohlokwa ka botho ye e kago šoma goba go se šome, eupša ka ge A tseba Lentšu gabotsebotse, O kgona go bolela nnete phaa ka mogopolong goba pelong ya motho, e se bjalo ka motho yo a lekago go thuša, eupša bjalo ka Modimo ka tsebo ye e phethagetšego.

Gomme, ka mahlo a tumelo re kgona go bona kgonagalo e kgolo go se, mola ba bangwe go histori ba šetše ba holegile go yona. Paulose o boletše ka seabe se Mangwalo a bilego le sona go Timotheose, modiredi-ka-yena o monnyane. O ngwetše: “Gape ka ntle le yena ga ke na yo mongwe yo a kago le hlokomela gabotse bjalo ka yena, yo maikutlo a gagwe a swanago le a ka. Ba bangwe batho ba inyakela tša bona, ga ba nyake tša Kriste Jesu. Ge e le yena, go botega ga gagwe le a go tseba, ka mo a šomilego le nna go bega Ebangedi ka gona bjalo ka ngwana ge a dira le tatagwe” (Bafilipi 2:20-22).

Go Timotheose o ngwetše: “Ge e le wena, o kgomarele tše o di rutilwego, gape o di dumelago o holofetše. O tseba ba ba go rutilego tšona. O se lebale gore Mangwalo a Makgethwa o a tsebile go tloga bjaneng bja gago; ke ona a a kgonago go go fa bohlale bjo bo išago phologong ka go dumela go Kriste Jesu” (2 Timotheose 3:14-15).

Ka mo go swanago ke nnete go rena.