Moya wo Mokgethwa – Letšatši la 2

Matseno a rena a pele go Moya wo Mokgethwa a mathomong a pego ya tlholo, ge a hlola bokgolokgohla bja leswiswi, bja go se be le sebopego bjo bo bego bo tlo ba lefase. Re bona bohlatse bja maatla a Gagwe a šoma ge Modimo a bolela gomme lefase le e ba gona, eupša ke Jesaya yo a re neago tsebo ya kgonthe go bogolo bja Gagwe: “Na ke mang yo a ka elago lewatle ka magoswi, goba a lekantšha legodimo ka diatla? Ke mang yo a ka tšhelago mobu wohle wa lefase ka serotwaneng, goba a ela dithaba le meboto ka keloboima? Ke mang yo a ka botšago Morena se a swanetšego go se dira? Ke mang yo a ka mo rutago goba a mo eletša? Kgane Modimo o rerišana le mang gore a ithute a kwešiše ka mo dilo di swanetšego go dirwa, le gore a be le tsebo le kwešišo?” (Jesaya 40:12-14).

Bala o bale gape ditemana tše ge o sa hwetše lethabo le legolo ka bogolo bja maatla a Morena ge o gopola ka diswantšho tše di hlalošitšwego. Ke a kgola gore go na le diteori tše ntši ka tlholo ka gobane batho ba bantši ga ba thabele ka kgonthe phihlelelo ye e botse ka go ya ka fao Modimo a lego yo maatla ka gona, gomme ba leka go ithlamela teori “ye e kwagalago” goba “kgodišago”. Lega go le bjalo, morago ga tebelelo e kopana ya pele ya maatla a makatšago a Moya wo Mokgethwa, re tšwela pele go bona Yena a tšwelela ka go Testamente ye Tala le Testamente ye Mpsha, mo re balago ka Moya wo Mokgethwa o le ka gare, goba ka dinako tše dingwe o theogela go, motho goba sehlopha, gomme o ba matlafatša go morero o bohlokwa.

Moshe, yo a ntšhitšego Baisraele bokgobeng go tšwa Egepeta, a ipona a sa lokela morero wa gagwe gomme a re: “Ke nna mang nka yago go kgoši le gona ka ntšha Baisraele Egepeta?” (Eksodose 3:11). Lega go le bjalo a atlega, a matlafaditšwe ke Moya wo Mokgethwa, bjalo ka Joshua yo re balago ka yena gore, “Tšea Joshua, morwa wa Nunu, monna wa bokgoni, mme o mmee diatla hlogong ” (Numeri 27:18). Gomme Joshua a etela pele Baisraele go ya Nageng ye e Holofeditšwego.

Otniele a fenya kgoši ya Mesopotamia gomme a tliša khutšo nageng mengwaga ye 40 ge “Moya wa Morena wa mo aparela, gomme ya ba moetapele wa Baisraele” (Baahlodi 3:10). Debora, moprofeta wa mosadi le moahlodi, a ya ntweng le Barake kgahlanong le Sisera gomme a mo fenya (Baahlodi 4); Gideone a fenya Bamediane morago ga ge Moya wa Morena o mo aparetše (Baahlodi 6:34); gomme Simsone (Baahlodi 14) a gagola tau ka diatla gomme a bolaya Bafilista ba dikete ka mohlagare wa pokolo. E ke mehlala e mmalwa ya Moya wo Mokgethwa o šoma ka maatla go batho ba Testamente ye Tala.

Motho yo mongwe le yo mongwe wa go tlwaelega a fetošwa ke Moya wo Mokgethwa. Ka moka ba dira dimaka ka maatla a Moya tšeo ba bego ba ka se tsoge ba di dirile ka maatla a bona, gape ba phološa batho ba bona, taba ye botse ke gore Moya wo Mokgethwa o sa matlafatša batho lehono.