Tlaišego, tsogo le lerato la Bakriste – letšatši la 14

Lehono, re bala ka Mojuda yo a bitšwago Thabitha. Leina la gagwe la Segerike ke Dorkase. A ka be a be a na le maina a mabedi ka gobane o be a tsebja magareng ga Bajuda le Bagerike ka mediro ya gagwe e mebotse. Go ya ka yena, go be go se na batho ba maemo a godimo le ba maemo a tlase. Go be go se na diphapano tša leleme goba tša setšo. Batho ka moka ba be ba mo rata. Mošomo wa gagwe wa go thuša bahloki e be e le leleme le le dirišwag lefaseng ka moka leo le bego le tsebja. Molaetša wa gagwe e be e le ebangedi ye e se nago mellwane. Se sebotse kudu le go feta ke gore Lukase o ngwala gore bohle ba be ba tseba gore ke mosadi wa tumelo yo a bego a bontšha lerato la Jesu. Re ka ruma, ka gona, gore o be a tsebega kudu magareng ga bao e sego badumedi. Ge o bolela ka go thuša bahloki, ditšhiwana le batho bao ba be bego ba tlaišega, leina la gagwe le semeetseng le be le fihla menaganong ya batho, ka gobane bohle ba be ba mo tseba ka mediro ya gagwe. Mohlomongwe ke ka lebaka leo Lukase a mo šomišitšego bjalo ka mohlala wa ka fao Mokriste ge e le gabotse a lebegago ka gona le go phela!

Morena o re fa taelo e kwagalago ya gore re hlokomele bahloki. Go na le mehlala e mentši Bibeleng ye a pakago gore tlhokomelo le kabelo go bahloki le ba ba nyakago thušo ke seka sa go ikgetha sa modumedi wa nnete.

Ebangedi ya Jesu ke go fihlelela bahloki ka go ba hlokomela le go abelana molaetša wa phološo le bona. Mokgatlo wa Bibele o na le protšeke ya go ikgetha moo diketekete tša diBibele di fiwago bahloki, mahala. DiBibele tše o kago di theeletša le tšona di fiwa mahala go batho bao ba sa kgonego go bala le go ngwala. Diprotšeke tše di fihlelela bahloki le methopo ye mengwe bjalo ka mananeo a go ithuta go bala le go ngwala. O ka tliša ebangedi go batho ba ka go neela go protšeke ya Bibles for the poor.