Tlaišego, tsogo le lerato la Bakriste – letšatši la 3

Mokriste yo mongwe le yo mongwe o ikwa a sa lokologa ge a bala temana ye. Naa go ka direga gore Jesu o kgotleletše bohloko kudu le tlaišego ka lebaka la gago le nna? Jesu o be a boifa, a boifa kudu mo e lego gore kudumela ya gagwe ke nkego ke madi a rotha. Tiragalo ye Lukase a e hlalošago mo e tsebja bjalo ka go dutla ga madi letlalong goba ga dilo tše di fago madi mmala go thutamahlale ya tša maphelo. Go na le ditšhupetšo tša histori tša batho bao ba itemogetšego seo ge, go sa letelwa, ba ahlolelwa kotlo ya lehu. Dithakeng tša kudumela, go na le ditšhika tše ntši tša madi ka sebopego se bjalo ka nete. Ka tlase ga kgateletšego e kgolo, ditšhika tše di ka palega. Madi a tswakana le kudumela gomme go bonala eka motho o tšwa kudumela ye nkego ke madi a rotha.

Tlaišego ye Jesu a itemogetšego yona e ka ba go le e kgolo kudu. O rwetše dibe tša batho. Pelo ya gagwe ka moka le monagano di ka be di le ka tlase ga kgateletšego ya seo. Go be go le gobe kudu moo Modimo a rometšego morongwa ka ge a tsebile gore Jesu o hloka thekgo.

Ga bjale, akanya ka bohloko le manyami tše Modimo a di kwelego go bona ngwana wa gagwe a tlaišega. Modimo o ratile lefase kudu mo a ilego a le fa morwa wa gagwe go ba kotlo go sebe, gore nna le wena re be le bophelo bjo bo sa felego!

Ke maemo moo Johanese 3:16 e bago nnete go rena ka moka. Naa go ka direga gore wena le nna ga re tšeele godimo taletšo ye e botse?

Kae le kae mo o lego gona ga bjale, e ba le nakwana ya setu pele ga Modimo le go nagana ka se a go diretšego sona.