Tlaišego, tsogo le lerato la Bakriste – letšatši la 6

Tsogo ya Jesu Kriste e fetotše maphelo a rena. Ka lebaka la yona, ga rena fela tša nako e fitilego, eupša le bokamoso gape. Ge re re re a dumela gore Jesu o hwetše dibe tša rena, ke setatemente sa tiragalo e fetilego. Ge re re re na le kholofelo, ke se re se dumelago ka Jesu nakong e tlago.

Tumelo go go bapolwa ga Jesu e hlaloša bobedi tša nako ya rena e fetilego le mathomo a rena a maswa. Kholofelo go Jesu e hlaloša tšwetšopele ya rena ya letšatši le letšatši ya bophelo bja rena bjo boswa le bokamoso bjo boswa. Tumelo ya rena ga e na kholofelo ka ntle ga ge re dumela gore Jesu o tsogile bahung. Tumelo le kholofelo di a tswalana. Ga go ye e ka bago gona ka ntle le e nngwe!

Go tloga ka tsogo ya Kriste, re phela nakong ya kholofelo! Go Bakriste, tsogo ke nnete, tiragalo ya histori ye e diragetšego. Gape ke selo se bohlokwa kudu le leswao la mathomo a maphelo a rena a maswa bjalo ka Bakriste. Tsogo ke e tee ya dika tše bohlokwa kudu tša tumelo ya rena. Ka ntle le kholofelo, re ka se dumele.

Ge o re o a dumela ke gobane o tshepha le go dumela gore Jesu o šetše a lefetše dibe tša gago. Ge o re o na le kholofelo – ke gobane o tshepha gore Morena e tla ba e sa le kgoši ya bophelo bja gago nakong e tlago le gore o tla hwetša karolo ya lefa la gagwe.

O a bona, kholofelo e mabapi le go tshepha tša nakong e tlago! Le ge go le bjalo, e thoma ga bjale! O šetše ga bjale o na le kholofelo maemong a gago ka moka! O tshepha gore Jesu o tla phela letšatši le letšatši le wena. O tshepha gore o ka tlogela bophelo bja gago, naga ya geno, lapa la gago, tšohle tša gago, ka diatleng tša Kgoši Jesu. Tsogo ya Jesu e file badumedi bokamoso bjo boswa; bokamoso bjo ba tlo bo phelago, le ge mebele ya bona e tlo hlokafala.

Go na le lebaka le tee fela la kholofelo ya Bakriste – tsogo ya Jesu. Ka ntle le tsogo, re na le tumelo ye e se nago kholofelo. Jesu o thubile ditlemo tša lehu le go hloka kholofelo.