Tšwela pele ka ntle le poifo – Letšatši la 6
Tšwela pele ka ntle le poifo ka go dira Modimo karolo ya dithulaganyo tša gago
(Di)temana ya Bibele
JAKOBOSE 4
DIEMA 3
MATEU 7
Go kgopela, le go nyaka, le go kokota
JEREMIA 33
Ge morwedi wa rena a na le mengwaga ye mebedi, o fetile kgatong ya “Ke tla se dira ka noši”. O be a nyaka go ikapeša le go ja ka noši – a sepele go ya tlase manamelong le go kgaola mmila ka noši. Ke be ke mo dumelela? E se ge go ka be go beile bophelo bja gagwe kotsing. Lega go le bjalo, go ka thibela dikeledi tše ntši ka letsogong le tee le go hlama monyetla wa go ithuta ka go le lengwe, ke ithutile nakong yeo go ka emela morago ka dinako tše dingwe le go mo dumelela la pele go ka “dira ka noši” – ke tseba gore mohlomongwe o tla kgopela thušo.
Bjalo ka batho ba bagolo, le rena ka dinako tše dingwe re feta kgatong ya “Ke tla se dira ka noši”. Le ge re ka se bolela ka mantšu a rena, re se bolela ka ditiro tša rena ka go kgetha go se dire Modimo karolo ya dithulaganyo tša rena. Go fa mohlala, re nagana gore re ka lokiša mathata ka gare ga manyalo a rena, mošomong goba ka ngwana – re bona gore re dirile bjalo nakong ya go feta. Goba re nagana gore re ka tšwa ka gare ga boima bja ditšhelete ka borena – ka ge re bona gore re na le bagwera ba mmalwa bao ba nago le tsebo ye e kago re thuša. Goba re nagana gore re ka tšea sepheto ka noši sa gore motho yo re ratanago le yena e tlo ba molekani wa rena goba aowa.
Le ge Modimo a ka re thuša gabonolo le ka pela gomme a re etela pele ka bohlale, le Yena ka dinako tše dingwe o emela morago, ge re kgetha go latela tsela ya “Ke tla se dira ka noši”. Go Jakobose 4:2b re bala gore: “Ga le hwetše se le se nyakago, ka gobane ga le se kgopele go Modimo.”
Gore re efoge go nolega moko le bohloko, ke eletša gore re be le mokgwa wa go tlogela boikgogomošo bja rena gomme re kgopele Modimo thušo ge re dira dithulaganyo tša rena. Go Diema 3:5-6 re bala gore: “O tshephe Morena ka pelo ya gago ka moka. O se ke wa tshepha kwešišo ya gago. O gopole Morena dilong tšohle tše o di dirago, gomme yena o tla go lokišetša ditsela.” Go Mateu 7:7 re bala gore: “Kgopelang, gomme le tla fiwa; nyakang, gomme le tla hwetša; kokotang, gomme le tla bulelwa.” Gomme go Jeremia 33:3 Modimo o re: “Ntlhaeletše, mme ke tla go araba.”
Ekaba o nyaka mmušo wa Modimo pele lefelong la gago la mošomo le go dipheto tša gago tše mabapi le lapa la gago, goba o sa, bjalo ka morwedi wa ka, bolela ka ditiro tša gago gore: “Ke tla se dira ka noši”? Modimo a go šegofatše.
