Ntwa le khutšo – Letšatši la 3

Maatla

(Di)temana ya Bibele

Pesalome 46

Modimo o na le rena

Go tsebišwa moopediši gore ke kopelo ya Bakorage; e opelwe ka modumo wa kopelo “Dikgarebe”.

₁Modimo ke setšhabelo sa rena le maatla a rena;

ke komana madulaabapile mabakeng a mathata.

₂Ka gona,

le ge lefase le ka šikinyega,

le dithaba tša kgeregela ka garegare ga lewatle;

₃le ge mawatle a ka rora a galefile,

le dithaba tša thothomedišwa ke kgalefo yeo, re ka se tšhoge. Sela

₄Go na le noka ye nngwe yeo dinokana tša yona di thabišago motse wa Modimo,

le ngwako wo mokgethwa wa Yogodimodimo.

₅Modimo o mo motseng woo,

gomme wona o ka se thubje.

Yena o tla tlo o phalalela ge letšatši le hlaba.

₆Modimo o kwatša lentšu la gagwe –

ditšhaba di a gakanega,

mebušo e nyaka go wa,

lefase le a fedišwa. Sela

₇Morena Ramaatlaohle o na le rena;

Modimo wa Jakobo ke setšhabelo sa rena!

₈Etlang le bone ditiro tša Morena,

dimakatšo tše a di dirago lefaseng!

₉O fediša dintwa lefaseng ka moka;

o roba mara, a robaganya le marumo,

dikoloi tša ntwa a di tšhuma ka mollo.

₁₀O re: “Lesang go lwa,

mme le tsebe gore ke nna Modimo.

Ke nna Kokamaditšhaba,

ke nna Kokamalefase.”

₁₁Morena Ramaatlaohle o na le rena;

Modimo wa Jakobo ke setšhabelo sa rena!

Pesalome 46:1-11NSO00Bula go Mmadi wa Bibele

Mongwadi wa Pesalome 46 o godiša pono ya mmadi. Bjalo ka go dipesalome tše re di badilego maabane, pesalome ye gape e mabapi le Modimo bjalo ka mošireletši wa rena. Eupša diswantšho tše Pesalome 46 e di dirišago ke tše kgolo: lefase le a šikinyega, dithaba di kgeregela ka garegare ga lewatle, mebušo e a phuhlama.

Nakong ya ntwa, batho ba ka itemogela gore lefase le a šikinyega gomme dilo ka moka di ka phuhlama. Ga se fela mašole ao a itemogelago se, eupša gape le badudi. Eupša Modimo o ka godimo ga seo, o realo mopesalome, gomme ge a bolela, batho ka moka ba a theeletša. Go sa šetše gore go direga eng, pheletšo ye Modimo a e nyakago e molaleng: mafelelong ntwa e a fela. Ke Modimo fela yo a nago le maatla a go dira gore seo se direge. O tla fediša dintwa ka moka, o tla tliša khutšo le tšhireletšo go bohle.

Modimo o re ka mopesalome: “Ke nna Kokamaditšhaba, ke nna Kokamalefase” (Phetolelo ya Sepedi 2000).

O itemogela bjang maatla a Modimo wena gomme ke eng seo o se lemogago nakong ye?

Methopo ya Bibele

Mabapi le Bibele

Kakaretšo ya Bibele (en)

App ya BibleSA

DiBibele

Mabapi le rena (en)

Lebenkele la Bibele (en)

Sekhutlo sa bana

Bibele Letšatši le Letšatši

Methopo ya Koketšo ya Bibele (en)

Ditaba tša Bibele (en)

Dipotšišo ka Bibele (en)

Dithulaganyo tša go bala

Temana ka letšatši (en)

Methopo ya Kereke

Puku ya dikarolo tša Bibele ya Kereke (en)

Ditlhalošo tša Thero (en)

Moya wa Modimo magareng ga matlakala (en)

Lenaneo la tlhagišo la khomputara (en)

Ditlhahlo tša Modiriši

Mabapi le BibleSA

FAQ (en)

Tlhahlo ya go Thoma ya ka Pela (en)

Ntwa le khutšo – Letšatši la 3

(Di)temana ya Bibele

Pesalome 46

Modimo o na le rena