Ntwa le khutšo – Letšatši la 6

₁Setšhaba se se bego se sepela swiswing se bone seetša se segolo.

Batho ba ba bego ba dutše nageng ya moriti wo moso, ba hlabetšwe ke seetša.

₂O atišitše setšhaba, Morena;

o se thabišitše kudu.

Ba thabile pele ga gago,

ba swana le batho ba ba thabetšego go buna,

goba go arolelana dithebola.

₃Gobane o robile joko ye e bego e ba imela,

le thupa ye ba bego ba bethwa ka yona magetla.

O fentše setšhaba se se bego se gateletše batho ba gago,

boka mola o fenya Bamidiane.

₄Dieta tša manaba tše di dirago mogwaša,

le diaparo tša ona tše di thankgetšego madi di tla fišwa,

di tla lewa ke mollo.

₅Re tswaletšwe ngwana!

Re filwe morwa!

E tla ba moaparankwe.

O tla bitšwa: Moeletši yo a makatšago, Modimo yo maatla, Tate wa go sa felego, Kgoši ya khutšo.

₆Mmušo wa gagwe o tla oketšega;

khutšo ya wona ke ya go ya go ile,

O tla dula setulong sa bogoši sa Kgoši Dafida,

a hloma mmušo wa gagwe a o thekga ka go buša ka tshwanelo le toka,

go tloga bjale go iša go sa felego.

Maikemišetšo a Morena Ramaatlaohle ke go dira tšeo ka moka.