Ntwa le khutšo – Letšatši la 7
Phelang mmogo ka khutšo
(Di)temana ya Bibele
JESAYA 2
Maabane, re badile ka bokamoso bja kholofelo bjo Jesaya a bo neago. Lehono, re bona gore mathomong a puku ya gagwe, o šetše a re bontšhitše se Modimo a lego mabapi le sona. Ditšhaba ka moka di tla ya thabeng ya Modimo. Fao, o tla ahlolela. Morago ga tshekišo ya gagwe, o tla fediša dintwa ka moka le dikgaruru. Ditšhoša di tla tološwa go ba megoma.
Go nontšha lefase le go ipshina ka tlholo ya Modimo, ke selo se bohlokwa go Modimo. O holofetša gore go tla tla nako ge batho ba tla lemoga gore ga ba hloke go diriša dikgaruru magareng ga bona. Batho ka moka ba tla phela mmogo ka khutšo.
Temana (Jesaya 2:4) mabapi le go fetoša ditšhoša go ba megoma e akareditšwe go mešomo e mentši ya bokgabo ye o ka e hwetšago moagong wa Ditšhaba tše Kopaneng (United Nations) kua New York City. Se se bontšha gore temana ya Bibele e sa le tutuetšo go ka fediša dintwa le go tsošološa khutšo.
Ke eng seo o ka se dirago lehono go thuša go kgontšha pono ye go ba nnete?
