Psalms 23

Die Here is my Herder, Hy sorg vir my,

ek het genoeg van alles.

₂'n Herder bring sy skape na goeie weiveld,

hulle eet genoeg en hulle gaan lê.

Hy bring hulle na die water,

en daar gaan hulle lê en rus.

₃So gee die Here ook vir my nuwe krag,

Hy leer vir my om reg te lewe,

want ek behoort aan Hom.

₄Ook wanneer ek

deur 'n diep en donker vallei moet loop,

dan sal ek nie bang wees nie,

want U, Here, is by my.

U beskerm my

soos 'n herder sy skape beskerm

met sy stok en met sy kierie.

₅U nooi my om by u tafel te sit,

maar my vyande moet staan en kyk.

U laat my baie belangrik voel,

U laat my alles geniet.

₆U is goed vir my,

en U doen wat U belowe het,

U doen dit oral waar ek gaan,

so lank soos ek lewe.

Here, ek sal altyd weer terugkom na u tempel,

ek sal dit my hele lewe lank doen.