Psalms 93

₁Die Here is Koning.

Hy dra sy koningklere,

Hy is sterk.

Hy laat die aarde vas staan,

dit skud nie.

₂Here, u troon staan vas van die begin af,

U was van altyd af daar.

₃Here, die watervloed het geraas,

die watervloed het hard geraas,

die branders van die watervloed het geraas.

₄Die Here wat uit die hemel regeer,

is sterker as die baie water,

Hy is sterker as die branders van die see.

₅Here, u wette sal nooit verander nie,

u tempel moet altyd 'n gewyde plek wees.