Psalms 125

Die mense wat glo dat die Here hulle sal help,

is soos die Sionsberg wat nie val nie

en wat altyd daar is.

₂Daar is berge rondom Jerusalem,

en so beskerm die Here ook sy volk,

nou en vir altyd.

₃'n Koning wat self verkeerd doen,

sal nie aanhou om te regeer oor die land

wat behoort aan mense wat reg doen nie.

As dit gebeur, dan sal die mense wat reg doen,

ook verkeerd begin doen.

₄Here, U moet goed doen aan goeie mense,

aan die mense wat eerlik is.

₅Maar die Here sal die mense straf

wat opgehou het om te lewe soos die Here wil hê.

Hy sal hulle straf saam met die mense

wat slegte dinge doen.

Ons bid dat Israel vrede sal hê.