Psalms 8

₂Here, ons Here, die hele aarde en die lug daarbo

wys dat U Koning is en dat U regeer.

₃Ook klein kindertjies sing oor u krag.

U vyande moet dit weet,

mense wat téén U is, moet stilbly.

₄U het die lug en die maan en die sterre met u hande gemaak.

Wanneer ek daarna kyk, dan dink ek:

₅'n Mens beteken niks.

Hoekom dink U aan mense?

Hoekom onthou U iemand wat net 'n mens is?

₆U het die mens amper soos 'n engel gemaak,

U het vir hom eer gegee en U het hom belangrik gemaak.

₇U laat hom regeer oor alles wat U gemaak het.

U het gesê hy is die hoof oor alles:

₈oor die skape en bokke en beeste,

ja, oor hulle almal, en oor die wilde diere,

₉oor die voëls in die lug en oor die visse in die see,

oor alles wat in die see swem.

₁₀Here, ons Here, die hele aarde wys dat U Koning is.