Psalms 146

₁Halleluja!

Loof die Here, o my siel!

₂Ek wil die Here loof solank ek leef;

ek wil my God besing solank ek bestaan.

₃Moenie op vooraanstaandes

vertrou nie,

op 'n mens, by wie daar

geen verlossing is nie.

₄Sy asem gaan uit,

hy keer terug na die grond;

op daardie dag is sy planne

daarmee heen.

₅Gelukkig is die mens

wat die God van Jakob as sy hulp het,

wie se hoop gevestig is

op die Here, sy God –

₆Hy wat hemel en aarde

gemaak het,

die see, en alles wat daarin is,

Hy wat trou bly tot in ewigheid,

₇wat die reg van verdruktes handhaaf,

aan hongeres brood gee.

Die Here laat gevangenes vry;

₈die Here maak blindes se oë oop;

die Here rig dié op

wat terneergedruk is.

Die Here het regverdiges lief;

₉die Here beskerm •vreemdelinge;

vaderloses en weduwees help Hy op,

maar die pad van goddeloses

maak Hy krom.

₁₀Die Here sal vir ewig regeer,

jou God, Sion,

van geslag tot geslag.

Halleluja!