Psalms 15

Here, wie mag 'n gas wees in u tent?

Wie mag tuisgaan op u •heilige berg?

₂Hy wat onberispelik leef

en regverdig optree,

wat van harte die waarheid praat.

₃Hy laster nie,

doen sy medemens nie kwaad aan nie

en bespot nie sy naaste nie.

₄In sy oë is die een wat verwerp is,

veragtelik,

maar hy eer dié wat vir die Here

ontsag het.

Al sweer hy tot sy nadeel,

hy verander nie.

₅Hy leen nie sy geld teen rente uit nie,

en aanvaar nie 'n omkoopgeskenk

ten koste van die onskuldiges nie.

Hy wat hierdie dinge doen,

sal nooit struikel nie.