Hosea 6

₁“Kom ons keer terug na die Here –

want Hy is die Een

wat ons verskeur het,

maar Hy sal ons gesond maak;

Hy het ons geslaan,

maar Hy sal ons wonde verbind.

₂Hy sal ons ná twee dae lewend maak,

op die derde dag

sal Hy ons laat opstaan,

sodat ons voor Hom kan lewe.

₃Laat ons Hom ken,

laat ons daarna streef

om die Here te ken.

So seker soos dagbreek is sy verskyning;

Hy sal soos reën na ons toe kom,

soos lentereën

wat die grond deurnat maak.”

₄“Wat moet Ek met jou doen, Efraim?

Wat moet Ek met jou doen, Juda?

Julle trou is soos 'n môrewolk,

soos dou wat vroeg verdwyn.

₅Daarom het Ek hulle neergevel

deur die profete,

hulle omgebring met die woorde

van my mond.

My oordele verskyn soos die lig;

₆want Ek verwag troue liefde,

nie offers nie;

kennis van God,

eerder as •brandoffers.”

₇“Maar hulle het die verbond

oortree soos in Adam;

daar was hulle ontrou aan My.

₈Gilead is 'n dorp van boosdoeners,

hulle laat 'n spoor van bloed.

₉Soos struikrowers

wat iemand voorlê,

is die priesterbende –

op die pad na Sigem pleeg hulle moord;

ja, hulle tree skandelik op.

₁₀“In die huis van Israel

het Ek iets afskuweliks gesien:

Daar het die hoerery van Efraim

plaasgevind,

is Israel verontreinig.”

₁₁Ook Juda –

Hy het vir jou 'n oes bestem.

“Terwyl Ek die lot van my volk

verander,