Psalms 23

Die Here is my herder;

ek ly nie gebrek nie.

₂In groen weivelde

laat Hy my rus;

na water waar daar rusplek is,

lei Hy my.

₃Hy gee my nuwe lewenskrag;

Hy lei my op die regte paaie

ter wille van sy Naam.

₄Selfs as ek in die donkerste kloof ingaan,

is ek nie bang vir gevaar nie,

want U is by my.

Dit is u staf en u stok

wat my gerusstel.

₅U dek vir my 'n tafel voor die oë

van my teenstanders.

U verfris my kop met olie;

my beker loop oor.

₆Net goedheid en troue liefde sal my volg

al die dae van my lewe,

en ek sal terugkeer

na die huis van die Here,

tot in lengte van dae.