I KRONIEKE 2

₁DIT is die seuns van Israel: Ruben, Símeon, Levi en Juda, Íssaskar en Sébulon,

₂Dan, Josef en Benjamin, Náftali, Gad en Aser.

₃Die seuns van Juda was: Er en Onan en Sela, drie vir hom gebore uit die dogter van Sua, die Kanaänitiese vrou; en Er, die eersgeborene van Juda, het die Here mishaag, daarom het Hy hom laat sterwe.

₄En Tamar, sy skoondogter, het vir hom Peres en Serag gebaar. Al die seuns van Juda was vyf.

₅Die seuns van Peres was Hesron en Hamul.

₆En die seuns van Serag was: Simri en Etan en Heman en Kalkol en Dara; almal saam vyf.

₇En die seuns van Karmi was: Agar, wat Israel in die ongeluk gestort het deurdat hy hom vergryp het aan die bangoed.

₈En die seuns van Etan was Asárja.

₉En die seuns van Hesron wat vir hom gebore is, was Jerágmeël en Ram en Kelúbai.

₁₀En Ram was die vader van Ammínadab, en Ammínadab van Nagson, die vors van die kinders van Juda.

₁₁En Nagson was die vader van Salma, en Salma van Boas;

₁₂en Boas van Obed, en Obed van Ísai;

₁₃en Ísai was die vader van Elíab, sy eersgeborene, en van Abinádab, die tweede, en Símea, die derde;

₁₄van Netáneël, die vierde, van Ráddai, die vyfde,

₁₅van Osem, die sesde, van Dawid, die sewende.

₁₆En hulle susters was Serúja en Abígail. En die seuns van Serúja was: Abísai en Joab en Ásahel, drie.

₁₇En Abígail het Amása gebaar; en die vader van Amása was Jeter, die Ismaeliet.

₁₈En Kaleb, die seun van Hesron, het by sy vrou Asúba Jeríot verwek. En dit is haar seuns: Jeser en Sobab en Ardon.

₁₉Toe Asúba gesterf het, het Kaleb vir hom Efrat geneem en sy het vir hom Hur gebaar.

₂₀En Hur was die vader van Uri; en Uri van Besáleël.

₂₁Daarna het Hesron gegaan na die dogter van Magir, die vader van Gílead; en hy het haar geneem toe hy sestig jaar oud was; en sy het vir hom Segub gebaar.

₂₂En Segub was die vader van Jaïr, en hy het drie-en-twintig stede in die land Gílead gehad.

₂₃En Gesur en Aram het die Jaïrsdorpe van hulle afgeneem, en Kenat met sy onderhorige plekke, sestig stede; hulle almal was seuns van Magir, die vader van Gílead.

₂₄En ná die dood van Hesron in Kaleb-Éfrata het Abía, die vrou van Hesron, vir hom ook Asgur, die vader van Tekóa, gebaar.

₂₅En die seuns van Jerágmeël, die eersgeborene van Hesron, was: die eersgeborene Ram; verder Buna en Oren en Osem uit Ahía.

₂₆Jerágmeël het nog 'n ander vrou gehad met die naam van Atára; sy was die moeder van Onam.

₂₇En die seuns van Ram, die eersgeborene van Jerágmeël, was Maäs en Jamin en Eker.

₂₈En die seuns van Onam was Sámmai en Jada; en die seuns van Sámmai: Nadab en Abísur.

₂₉En die naam van die vrou van Abísur was Abíhail; en sy het vir hom Agban en Molid gebaar.

₃₀En die seuns van Nadab was Seled en Appáim; en Seled het gesterwe sonder kinders.

₃₁En die seuns van Appáim was Jíseï; en die seuns van Jíseï was Sesan; en die seuns van Sesan, Aglai.

₃₂En die seuns van Jada, die broer van Sámmai, was Jeter en Jónatan; en Jeter het gesterwe sonder kinders.

₃₃En die seuns van Jónatan was Pelet en Sasa. Dit was die seuns van Jerágmeël.

₃₄En Sesan het nie seuns gehad nie, net dogters; en Sesan het 'n Egiptiese dienaar gehad met die naam van Jarha;

₃₅en Sesan het sy dogter aan sy dienaar Jarha as vrou gegee; en sy het vir hom Áttai gebaar.

₃₆En Áttai was die vader van Natan, en Natan van Sabad;

₃₇en Sabad van Eflal, en Eflal van Obed;

₃₈en Obed van Jehu, en Jehu van Asárja;

₃₉en Asárja van Heles, en Heles van Eleása;

₄₀en Eleása van Sísemai, en Sísemai van Sallum;

₄₁en Sallum van Jekámja, en Jekámja van Elisáma.

₄₂En die seuns van Kaleb, die broer van Jerágmeël, was Mesa, sy eersgeborene — hy was die vader van Sif — en die seuns van Marésa, die vader van Hebron.

₄₃En die seuns van Hebron was: Korag en Tappúag en Rekem en Sema.

₄₄En Sema was die vader van Raham, die vader van Jórkeam; en Rekem van Sámmai.

₄₅En die seun van Sámmai was Maon; en Maon was die vader van Bet-Sur.

₄₆En Efa, die byvrou van Kaleb, het Haran en Mosa en Gases gebaar; en Haran was die vader van Gases.

₄₇En die seuns van Jóhdai was: Regem en Jotam en Gesan en Pelet en Efa en Saäf.

₄₈Die byvrou van Kaleb, Máäga, het Seber en Tírhana gebaar;

₄₉en sy het Saäf gebaar, die vader van Madmánna, Sewa, die vader van Magbéna en die vader van Gíbea; en die dogter van Kaleb was Agsa.

₅₀Dit was die seuns van Kaleb. Die seuns van Hur, die eersgeborene van Éfrata, was Sobal, die vader van Kirjat-Jeárim,

₅₁Salma, die vader van Betlehem, Haref, die vader van Bet-Gader.

₅₂En die seuns van Sobal, die vader van Kirjat-Jeárim, was Hároë en die helfte van Menúgōt.

₅₃En die geslagte van Kirjat-Jeárim was: die Jitriete en Putiete en Sumatiete en die Misraïete; uit hulle het die Sóreatiete en Estaoliete voortgekom.

₅₄Die seuns van Salma was: Betlehem en die Netofatiete, Atrot-Bet-Joab en die helfte van die Managtiete, die Soreïete.

₅₅En die geslagte van die skrywers wat in Jabes gewoon het: die Tireatiete, die Simeatiete, die Sugatiete; dit is die Keniete wat van Hammat, die vader van die huis van Regab, afkomstig is.