I KRONIEKE 4

₁DIE seuns van Juda was: Peres, Hesron en Karmi en Hur en Sobal.

₂En Reája, die seun van Sobal, was die vader van Jahat, en Jahat van Ahúmai en van Lahad; dit is die geslagte van die Sóreatiete;

₃en dit is die seuns van Etam: Jísreël en Jísma en Jidbas; en die naam van hulle suster was Hasselelpóni.

₄En Pnuel was die vader van Gedor, en Eser die vader van Husa. Dit is die seuns van Hur, die eersgeborene van Éfrata, die vader van Betlehem.

₅En Asgur, die vader van Tekóa, het twee vroue gehad: Hélea en Náära;

₆en Náära het vir hom Ahússam en Hefer en die Temeniete en die Ahastariete gebaar. Dit was die seuns van Náära.

₇En die seuns van Hélea was: Seret, Jesóhar en Etnan.

₈En Kōs was die vader van Anub en Hassobéba en van die geslagte van Ahárhel, die seun van Harum.

₉En Jabes was meer geëerd as sy broers; en sy moeder het hom Jabes genoem en gesê: Ek het met smart gebaar.

₁₀En Jabes het die God van Israel aangeroep en gesê: As U my ryklik seën en my grondgebied vermeerder en u hand met my sal wees en U die onheil afweer, sodat my geen smart tref nie! En God het laat kom wat hy begeer het.

₁₁En Kelub, die broer van Suha, was die vader van Mehir; hy is die vader van Eston.

₁₂En Eston was die vader van Bet-Ráfa en Paséag en Tehínna, die vader van die stad Nahas; dit is die manne van Rega.

₁₃En die seuns van Kenas was Ótniël en Serája; en die seuns van Ótniël: Hatat en Meonótai.

₁₄En Meonótai was die vader van Ofra, en Serája van Joab, die vader van die Handwerkersdal, want hulle was ambagsmanne.

₁₅En die seuns van Kaleb, die seun van Jefúnne, was: Iru, Ela en Naäm, en die seuns van Ela: Kenas.

₁₆En die seuns van Jehálleleël was: Sif en Sifa, Tíreja en Asáreël.

₁₇En die seuns van Esra was: Jeter en Mered en Efer en Jalon; en dit is die seuns van Bitja, die dogter van Farao, wat Mered as vrou geneem het; en sy het swanger geword en gebaar: Mirjam en Sámmai en Jisbag, die vader van Estemóa.

₁₈En sy Joodse vrou het gebaar: Jered, die vader van Gedor, en Heber, die vader van Sogo, en Jekútiël, die vader van Sanóag.

₁₉En die seuns van die vrou van Hodíja, die suster van Naham, die vader van Kehíla, was die Garmiet, en Estemóa, die Maägatiet.

₂₀En die seuns van Simon was: Amnon en Rinna, Ben-Hánan en Tilon; en die seuns van Jíseï was Sohet en Ben-Sohet.

₂₁Die seuns van Sela, die seun van Juda was: Er, die vader van Lega, en Láeda, die vader van Marésa, en die geslagte van die huis van die linnewewers van die huis van Asbéa;

₂₂verder Jokim en die manne van Koséba en Joas en Saraf — hulle wat oor Moab geheers het — en Jasubi-Léhem; maar die geskiedenisse is oud.

₂₃Hulle was die pottebakkers en die inwoners van Netáim en Gedéra; daar het hulle gebly by die koning in sy diens.

₂₄DIE seuns van Símeon was: Némuel en Jamin, Jarib, Serag, Saul;

₂₅Sallum was sy seun; Mibsam was sy seun; Misma was sy seun.

₂₆En die seuns van Misma was: Hámmuel, sy seun, Sakkur, sy seun, Símeï, sy seun.

₂₇En Símeï het sestien seuns en ses dogters gehad; maar sy broers het nie baie seuns gehad nie; en hulle hele geslag het nie so vermeerder soos die seuns van Juda nie.

₂₈En hulle het gewoon in Berséba en Mólada en Hasar-Sual

₂₉en in Bilha en Esem en Tolad

₃₀en in Bétuel en Horma en Siklag

₃₁en in Bet-Márkabot en Hasar-Susim, en Bet-Bíreï en Saäráim; dit was hulle stede totdat Dawid koning geword het.

₃₂En hulle dorpe was: Etam en Ajin, Rimmon en Togen en Asan, vyf stede;

₃₃en al hulle dorpe wat in die omtrek van hierdie stede was, tot by Baäl; dit was hulle woonplekke, en hulle het hul geslagsregister gehad.

₃₄En Mésobab en Jamleg en Josa, die seun van Amásia,

₃₅en Joël en Jehu, die seun van Josíbja, die seun van Serája, die seun van Ásiël,

₃₆en Eljoënai en Jaäkóba en Jesohája en Asája en Ádiël en Jesímiël en Benája

₃₇en Sisa, die seun van Sífeï, die seun van Allon, die seun van Jedája, die seun van Simri, die seun van Semája —

₃₈die wat hier met hulle naam opgegee is, was vorste in hulle geslagte, en hulle families het sterk vermeerder.

₃₉En hulle het getrek tot by die ingang na Gedor, tot oostelik van die dal, om weiveld vir hulle kleinvee te soek.

₄₀En hulle het geil en goeie weiveld gevind, en die land was na alkante toe wyd en stil en rustig, want mense van Gam het daar tevore gewoon;

₄₁en die wat hier met hulle naam beskrywe is, het in die dae van Hiskía, die koning van Juda, gekom en hulle tente verslaan, en ook die Meüniete wat daar gevind is; en hulle het hul met die banvloek getref tot vandag toe; en hulle het in hulle plek gaan woon; want daar was weiveld vir hulle kleinvee.

₄₂Ook het van hulle, van die seuns van Símeon, vyfhonderd man getrek na die gebergte Seïr; en Pelátja en Neárja en Refája en Ússiël, die seuns van Jíseï, was aan hulle hoof.

₄₃En hulle het die oorblyfsel van die vrygeraaktes van Ámalek verslaan en daar gaan woon tot vandag toe.