PSALM 82

₁'n PSALM van Asaf.

God staan in die vergadering van die gode; Hy hou gerig te midde van die gode.

₂Hoe lank sal julle onregverdig oordeel en partydig wees vir die goddelose mense? Sela.

₃Doen reg aan die swakke en die wees; gee aan die ellendige en die arme sy reg.

₄Red die swakke en behoeftige, bevry hulle uit die hand van die goddelose mense.

₅Hulle weet nie en verstaan nie; hulle loop rond in duisternis: al die fondamente van die aarde wankel.

₆Ek self het gesê: Julle is gode, en julle is almal seuns van die Allerhoogste —

₇nogtans sal julle sterwe soos mense, en soos een van die vorste sal julle val.

₈Staan op, o God, oordeel die aarde! Want Ú het erfbesit van al die nasies.