AMOSI 1

₁Mantšu a Amosi e a bego a na le badiši ba Thekoa; ke a dipono tše di elago Isiraele, tša mehleng ya Usia kgoši ya Juda, le mehleng ya Jerobeama morwa wa Joase kgoši ya Isiraele; ke tša mola go sa šetše nywaga e mebedi, gwa tsebo tla tšhišinyego ya lefase.

₂O boletše a re: Morena o tlo bopa a le Tsione, o tlo hlaboša lentšu a le Jerusalema, gwa tlo lla madišo a badiši, gwa tlo omelela ntlha ya thaba ya Karamele.

₃Morena o boletše a re: Nka se ke ka lesa go otla Damaseko ka baka la masenyi a mararo goba a mane, ge ba gatakile Gileada ka makoloi a ditshipi. ₄Ke iša mollo kua ngwakong wa Hasaele, o tlo tšhuma motse wa mošate wa Beni-Hadada. ₅Ke thokga meswiko ya Damaseko, ke fediša baagi ba molala wa bosenyi, le yena eo a swerego lehlotlo la bogoši ngwakong wa mathabo; mme setšhaba sa Arama se tlo thopša sa ya Kiri. -- O realo Morena.

₆Morena o boletše a re: Nka se ke ka lesa go otla Gatsa ka baka la masenyi a mararo goba a mane, ge ba thopa setšhaba ka moka, ba se gafela Baedomo. ₇Merakong ya Gatsa ke tlo iša mollo, wo o tlogo tšhuma nywako ya mošate wa bona. ₈Ba ba agilego Asidodo ke tlo ba fediša, le yena eo a swerego lehlotlo la bogoši bja Asikaloni; Ekironi ke tlo go akgela tsogo la ka, gwa tlo loba mašalela a Bafilisita. -- O realo Morena Mong a bohle.

₉Morena o boletše a re: Nka se ke ka lesa go otla Batiro ka baka la masenyi a mararo le ge e le a mane, ge ba thopa setšhaba sa ka ka moka, ba se gafela Baedomo, ba senya kgwerano ya bagabobona. ₁₀Merakong ya Tiro ke tlo iša mollo, wo o tlogo tšhuma nywako ya bona ya mošate.

₁₁Morena o boletše a re: Nka se ke ka lesa go otla Edomo ka baka la masenyi a mararo le ge e le a mane, ka ge ba hlomaretše bana babo ka marumo ba lahlile tlhomogelo, ba fela ba bata sehlogo, ba dula ba ne sekgoro. ₁₂Gona kua Themane ke tlo iša mollo wo o tlogo tšhuma nywako ya mošate wa Bosera.

₁₃Morena o boletše a re: Nka se ke ka lesa go otla Baamoni ka baka la masenyi a mararo le ge e le a mane, ka ge kua Gileada ba kile ba phula baima dimpa, e le gore ba šuthiše mellwane. ₁₄Merakong ya Raba ke tlo tšhuba mollo wo o tlogo tšhuma nywako ya mošate wa bona, e le go hlabja mokgoši, e le mohla wa ledimo le wa sesesedi. ₁₅Kgoši ya bona e tlo ya bothopša, e na le bakgomana ba gona bohle. O realo Morena.