MMOLEDI 4

₁Ka buša ka bona mehlako ka moka e hlakišago batho fa tlase ga letšatši. Ka bona megokgo ya bahlaki, ba se ne mohomotši. Ka bona bahlakiši ba bona ba na le maatla, bona ba se ne mohomotši. ₂Ka na ka reta ba hwilego kgale, ka re ke bona ba lehlogonolo, ba feta ba ba phelago. ₃Ka re e a ba fetago bohle ka babedi, ke yoo a sešogo a ba gona, e a sa bonego mediro e mebe ye e dirwago fa tlase ga letšatši.

₄Ka bona mediro ka moka, le matšo a mediro yohle, e le tša ge motho a tsebafela wabo, e le tša lefela, e le go phuthela moya ka kobo. ₅Setlatlahunyetšamatsogo se ja nama ya mmele wa sona. ₆Seatlatabolakhutšo se phala matsogo-mašubuka-ditapišo le go phuthela moya ka kobo.

₇Ka buša ka bona lefela fa tlase ga letšatši. ₈Ka bona e mongwe a dutše a nnoši, a se ne yo mongwe, a se ne ngwana le wabo; mme ditapišo tšagwe di sa fele, mahlo a gagwe a sa hore mahumo, a se re: Ke itapišetša mang ge ke ikona tše botse? -- Le gona ke lefela, ke go itlhakiša o mobe.

₉Bolo ke mola e le ba babedi, e sego o tee; ke bona ba tlogo boelwa ke tše botse ka boitapišo. ₁₀Ge ba ka wa ba tlo tsošana. Yo madimabe ke mowaannoši a hloka motsoši. ₁₁Le gona ba le dilaong e le ba ba bedi ke go kwešana borutho; e a robalago a le noši a ka ruthela bjang? ₁₂O tee a ka fenywa; ba babedi ba tlo emelana; lenti la melogo e meraro ga le fo kgaoga.

₁₃Sogana la mmotlana le bohlale, le phala kgoši ge e tšofetše ya šilofala mme ya gana go eletšwa. ₁₄Le tšea bogoši le etšwa kgolegong; gobane e le modiidi le tswaletšwe bogoši bja lona. ₁₅Ka bona bohle ba phelago fa tlase ga letšatši, ba latela lesogana la go hlatlama yola. ₁₆Go be go se mo bontši bja setšhaba bo felago, bontši bja ba bego ba mo loba. Fela, ba la ka moswana ba se mo thabele; ka gobane le tšona tše ke lefela, ke go phuthela moya ka kobo. ₁₇Lotola leoto la gago ge o ya Ngwakong wa Modimo; gobane ge o batamela gore o theetše, go phala mola mašilo a tliša didimo, ba sa itemoge dibe tše ba di dirago.