ESITERE 10

₁Kgoši Ahasiwerosi o be a ntšhiša batho lekgetho dinageng ka moka le dihlakehlakeng tša lewatle. ₂Mediro ye a e dirilego maatleng a gagwe, le taodišo ya bogolo bja Morodekai yo kgoši a mo godišitšego, naa ga di a ngwalwa mo pukung ya ditaba tša kgale tša dikgoši tša Meda le Peresia? ₃Gobane Morodekai Mojuda eo e be e le yena e mogolo a bego a hlatlama kgoši Ahasiwerosi. Mo go Bajuda ke e mogolo, mme mo go diletelete tša bona o ratega ka gobane o be a nyaka se se holago setšhaba sa gabo, a fela a bolela tše di agišago mohuta wa gabo ka moka.