HABAKUKU 2

₁Ke tlo namela sethalana, ka ema godimo ga morako ka hlapetša, ke tle ke bone se Morena a tlogo ntsebiša sona, ka fetola ba ke bego ke ba sola.

₂Morena a bolela le nna a re: Ngwala pono ye; tša yona o di tloke mamating, di balege ka pela. ₃Gobane pono e beetšwe lebaka la yona; e bola tša bofelo, ga e fore. Ge e sa phethege ka pela, gona e letele. Go tla di tlo tla, di ka se diege. ₄O ko bone go ikgogomoša le go se loke ga pelo ya motho eo. Moloki yena o tlo phela ka tumelo yagwe.

₅Ka kgonthe, sedila se fora motho, a ikgantšha, a se dule gae; molomo o ahlama wa molete wa bodulabahu, o ka lehu le le sa horego, moikoleladiletekamoka, moikgobeladitšhabakamoka. ₆A ditšhaba tšeo di ka se mo hlabele seema a di ka se mo opele koša ya go kwera tša re: Joo, joo, mogaratšeesegotšagwe! O tlo iša kae a fela a ithweša thoto ya molato?

₇A o ka se tšhoge go tsogile beng ba molato, go rotoga ba tlogo go hlokofatša, mme lethopša ya ba wena? ₈Ka gobane wena o hlakotše tšhaba tše di ntši; mme mašalela a tšhaba tšeo tšohle a tlogo hlakola, wa lefa molato wa madi, wa lefetšwa tša mohlako wa dinaga le wa metse le baagi.

₉Joo, joo, mokgothathuompe a šetša motse wagwe, mophagamišasehlaga a re ke efa dikotši! ₁₀Tše o di nyaketšego motse wago ke dihlong; o ikobetše molato ka go fediša tšhaba tše ntši. ₁₁Matlapa a merako yago a tlo golola, gwa tlo araba kota tša dikago.

₁₂Joo, joo, moagamotsekamadi, mothekgamadulokasebe! ₁₃A ga le tsebe? Di tšwa go Morena wa mašaba, ge ditšhaba di itapišetša mollo; le tša go phegelelwa ke merafo e tlo ba lefela. ₁₄Gobane lefase le tlo tlala tsebo ya letago la Morena, bjalo ka lewatle le enetšwe ke meetse.

₁₅Joo, joo, monošawagabo a tswaka ka lehloyo, a re a mo tagiše a mmone bofela. ₁₆Le wena o tlo nošwa, wa kgolwa kgobogo, e sego bokwala, Nwaa gee, le wena mme o phokaele; senwelo sa seatla sa Morena se go fihletše; bokwala bja gago bo apešwa ka kgobogo. ₁₇Bošoro bjo o bo dirilego Libanoni bo tlogo boela, le tša mola o gaila diphoofolo, di tlogo tšhoša, wa lefa madi a batho, wa lefišwa tša mohlako wa dinaga le wa metse le baagi.

₁₈Pheko e thušang? Hleng e dirilwe ke modiri wa yona? Le modimo wa seswantšho, le moruti wa maaka, ge mmopi a bota sebopša sa gagwe, motho a dira medimo ya dimuma, di thušang? ₁₉Joo! O re: Tsoga, a era kwata. O re: Phafoga, a era leswika la semuma, a re: Ema! -- A le ka mo ruta? -- Seleo, le manegilwe ka gauta le ka silifera; le bophelo bjo bonyane ga bo go mo go lona.

₂₀Morena yena o Ntlong e kgethwa ya gagwe; a lefase lohle le ikhomolele pela gagwe.