Khutšo ke ya moloki; e hlokwa ke ba babe
1Yo bolo o a loba; mme ga go e a di šetšago. Batho ba borapedi ba a ubulwa, go se e a lemogago, ge e le go efoša yo bolo bošula. 2O ya mo go lego molao, moyakatoko; ba khutša madulong a bona.
3Ge e le lena, bana ba moloi, batamelang, lena bana ba mohlanogi, bana ba seotswa. 4Ke mang yo le mo tomelago? Ke mang yo le mo nyatšago? Le lakailela mang diteme? -- Ka kgonthe le bana ba tlhanogo, le peu ya maaka. 5Lena ba go fišega ka tša dikgweng tša medimo, meriting ya dihlare tšohle tše di tala, le hlaba bana dinokeng le meeding. 6Magakabje a nokeng, ke tšona dipheko tša gago. O tšhelela ona ditšhelo tša gago, o a išetša dibego. A o re tše bjalo di ka nkgahla? 7O ala dilao tša gago thabeng e kgolo e telele, wa rotogela moo o iša didimo. 8O ipeetše dieletši mamating le dijakwaneng; wa ntlhanogela wa di uta; wa ya wa rotoga wa ala dilao tša gago, wa gwerana le bona, wa rata malao a bona, wa itlhaolela ona. 9Wa ipega go Moloko ka makhura, wa ya o swere diorelo tše dintši, wa roma batseta ba ya kgole, wa inyatšiša wa go ya bodulabahu. 10O lapišitšwe ke maeto a magolo, wa se ke wa re ke lefela. O hweditše go sa le bophelo diatleng tša gago, ka baka leo wa se tenege.
11O be o šia mang, o boifa mang, ge o ya le maaka, wa se nkgopole, wa se ntšee taba? A ga se gobane e le kgale ke ikhomoletše, wa se hlwe o ntšhaba? 12Bjale nna ke tlo bega toko yago le ditiro tšago; mme di ka se go hole selo. 13Go hlaba mokgoši, o tla no hlakodišwa ke yona medimo yeo o e rapilego, ye e tlogo ubulwa ke ledimo ka moka ga yona, ya tloga boka muši.
Ge e le mokhuta ka nna o tlo tšea naga ya ba ya gagwe; thaba ya ka e kgethwa e tlo ba legae lagwe.
14Go tlo thwe: Bulang tsela! E buleng, le e lekellanye, le tloše dikgopišo mo tseleng ya setšhaba sa ka.
15Gobane Yogodimo, Mophagami, Mong a dulo sa bogoši bja mehleng, yo leina lagwe e lego Mokgethwa, o a bolela o re: Ke dutše godimo, le sekgethweng, le go yo wa pelo e setlegilego e kokobetšego, gore ke phediše moya o kokobetšego, ke phediše pelo e setlegilego. 16Nka se dule ke elwa neng le neng, nka se ke ka galefa go ya go ile, gobane meoya, ya batho e ka felela pele ga ka, bona bao ba hemago ba nna ke ba dirilego. 17Ke be ke befelwa ke dibe tša bona tša bokgonatha, ka ba otla, ka ba ka iphihla ke befetšwe; mme bona ba hlanoga, ba swere tsela ya go ithatela.
18Ditsela tša bona ke a di bona. Fela, ke tlo ba alafa, ka ba etetša, bona le baledi ba bona ka ba šetša ka dikhomotšo. 19Khutšo, khutšo e tlo ba le ba kgole le ba kgauswi! O realo Mohlolakenyotšamolomo; o re: Ke tlo ba alafa! O realo Morena. 20Ge e le ba babe, bona ba etša lewatle, ge le bilokana le sa khutše, mme meetse a lona a ntšha diretse le ditšhila. 21Ba babe ga ba na molao! O realo Morena.
