Kgobogo ke kotlo ya tlhanogo
1Joo, tshipi e khubedu e fifetše, yona ya paala e senyetše! Matsaka a sekgethwa a tšitlane le dikhutlo tšohle tša mekgoba.
2Barwa bohle ba Tsione ba dinatla bakatshipiekhubedu, bjale ba sengwa dipitša tša go bopša ka letsopa.
3Ešita le phukubje e amuša bana ba yona matswele; ge e le ngwanana wa setšhaba sešo o hladile bana wa mpšhe šokeng.
4Leme la lesea le ometše magalapa ka lenyora; bana ba lla bogobe, mme ba hloka mongwathedi.
5Baji ba tše monate ba felela mekgobeng; baalogelabotšhephing ba lala kua dithobolong.
6Ke ka ge molato wa ngwanana wa setšhaba sešo o feta dibe tša Sodoma, motse wola wa go phekgolwa ka gatee o sa ka wa išwa diatla.
7Bakgoma ba gešo ba be ba phadima wa leswela, ba phala maswi ka bošweu, ba phala pheta ka botsoro bja mebele, ba bopegile wa talama,
8Bjale ba fifetše wa mošidi, ba bile ga ba tsebje mekgobeng, ba otile, ke marapo fela, ba omile bjalo ka legong.
9Bokaone bo ne bala ba go fela ka marumo, le ba go hwa ka tlala, ba felela ka go hloka tša go butšwa mašemong.
10Hleng le basadi ba mabobo ba bile ba apea bana ba bona ka diatla tša bona, ya ba dijo tša bona mehleng ya go senyega ga setšhaba sešo.
11Morena o phethile a befetšwe; o tšholotše mollo wa kgalefo yagwe; fa Tsione a tukiša kgabo, ya fiša metheo ya gona.
12Magoši a dinaga, le baagi bohle ba mafase, ba be ba re: Kgorong tša motse wa Jerusalema, ga go tsene sera sa manaba!
13Mme a tsene ka dibe tša baboni ba gona, le ka makgopo a bomphamodimo ba gona, ba ba bego ba le moo ba tšholla madi a baloki.
14Ba be ba apaapa mekgobeng bjalo ka difofu ba thankgetše madi, wa šia le go kgwatha diaparo tša bona.
15Ke ba ba bego ba goelwa gwa thwe: Fapogang! Wa ditšhila! Fapogang! Fapogang! Le se mo kgwatheng! Mo go ba ditšhaba ba thwe: Ba fofile; ba fulere; ba ka se hlwe ba dula!
16Ba tšhilantšwe ke leihlo la Morena. Ga a sa rata go ba bona, ka gobane ba nyaditše baperisita, ba se setše batšofadi.
17Mahlo a rena a be a lapile ka go lebelela tlhakodišo; e se tle ka gobane re be re letetše re botile tšhaba se se sa thešego.
18Ba be ba re lota nao, re se hlwe re gata tsela tša rena. Ke ge re batamelwa ke pheletšo; mola e re tlela ke ge mehla e le e re beetšwego.
19Ba ba bego ba re hlomarela e be e le ba lebelo le le fetišago la manong a sebakeng; ba re raka le dithaba, mme ba re lalela mašokeng.
20Motlotšwa wa Morena, yo re bego re hema ka yena, o tantšwe moreong wa bona. Ke yena yo re bego re re: Re tlo phela moriting wa gagwe re le gare ga ditšhaba.
21Wene ngwanenyana wa Edomo, e o agilego mo nageng ya Utsi, napo sege o hlalale. Le wena o sa tlo tlelwa ke sedila, wa tlo tagwa, mme wa hlobodišwa.
22Mme wena ngwanenyana wa Tsione, wa gago molato o ile; o ka se hlwe o thopša gape. Molato wo o tlo go rerwa, ke wa gago, wene ngwanenyana wa Edomo; go tlo bipollwa dibe tša gago.
