NUMERI 33

₁Makhutšo a Baisiraele ba ba tšwilego nageng ya Egipita ka makoko a bona, ba na le Moshe le Arone, šea: ₂Moshe o ngwadile makhutšo a bona, ka mo ba sepetšego ka gona ka taelo ya Morena; gomme leeto la bona šele, go ya ka makhutšo a bona.

₃Ba tšwile Ramasese ka tšatši la lesome le metšo e mehlano la kgwedi ya pele. Ka le le hlatlamago la Paseka Baisiraele ba tšwile ka seatla se se emisitšwego, Baegipita ka moka ba lebeletše, ₄ba sa fihla ba maitšibulo ba Morena a bego a ba bolaile mo go bona; le medimo ya bona Morena o be a e tletše le dikahlolo.

₅Baisiraele ba tlogile Ramasese ba tsena Sukhothe. ₆Ba tloga Sukhothe ba tsena Ethama go bataganego le lešoka. ₇Ba tloga Ethama ba leba Pihagirothe go lebanego le Balatsefone, ba tsena Migidolo. ₈Ba tloga Pihagirothe, ba sela lewatle, ba fetela lešokeng, ba sepela matšatši a mararo lešokeng la Ethama, ba tsena Mara. ₉Ba tloga Mara ba fihla Elima. Gona moo Elima go be go na le didiba tše lesome le metšo e mebedi, le dihlare tša melala tše masome a šupago, ba dula gona.

₁₀Ba tloga Elima ba dula hleng ga Lehlakawatle. ₁₁Ba tloga Lehlakawatle ba tsena lešokeng la Sini. ₁₂Ba tloga lešokeng la Sini ba tsena Dofaka. ₁₃Ba tloga Dofaka ba tsena Alusi. ₁₄Ba tloga Alusi ba tsena Rafidima, mo batho ba hlokilego meetse a go nwa.

₁₅Ba tloga Rafidima ba tla lešokeng la Sinai. ₁₆Ba tloga lešokeng la Sinai ba tsena Mabitlateta. ₁₇Ba tloga Mabitlateta ba tsena Hatserothe. ₁₈Ba tloga Hatserothe ba tsena Rithima. ₁₉Ba tloga Rithima ba tsena Rimone-Pheretse. ₂₀Ba tloga Rimone-Pheretse ba tsena Libina. ₂₁Ba tloga Libina ba tsena Risa. ₂₂Ba tloga Risa ba tsena Kehelatha. ₂₃Ba tloga Kehelatha ba tla dithabeng tša Safere. ₂₄Ba tloga dithabeng tša Safere ba tsena Harada. ₂₅Ba tloga Harada ba tsena Makhelothe. ₂₆Ba tloga Makhelothe ba tsena Thagathe. ₂₇Ba tloga Thagathe ba tsena Thara. ₂₈Ba tloga Thara ba tsena Mithika. ₂₉Ba tloga Mithika ba tsena Hasemona. ₃₀Ba tloga Hasemona ba tsena Moserothe. ₃₁Ba tloga Moserothe ba tsena Bene-Jaakane. ₃₂Ba tloga Bene-Jaakane ba tla thabeng ya Gidigada. ₃₃Ba tloga thabeng ya Gidigada ba tsena Jotobatha. ₃₄Ba tloga Jotobatha ba tsena Abarona. ₃₅Ba tloga Abarona ba tsena Etsionegebere. ₃₆Ba tloga Etsionegebere ba tsena la Sini, ke fala Kadese. ₃₇Ba tloga Kadese ba tla thabeng ya Hori, mo go gomago naga ya Edomo.

₃₈Arone moperisita ka taelo ya Morena a namela thaba ya Hori, a hwela gona ka ngwaga wa masome a mane wa ge Baisiraele ba tšwile nageng ya Egipita, ka kgwedi ya bohlano ka la pele la yona. ₃₉Arone o be a na le nywaga e lekgolo le le nago le masome a mabedi a metšo e meraro ge a hwela thabeng ya Hori. ₄₀Gomme Aradi kgoši ya Mokanana, e a bego a agile thoko yeo ya borwa bja naga ya Kanana, a kwa gobane Baisiraele ba etla.

₄₁Ba tloga thabeng ya Hori ba tsena Tsalamona. ₄₂Ba tloga Tsalamona ba tsena Punone. ₄₃Ba tloga Punone ba tsena Obothe. ₄₄Ba tloga Obothe ba tsena Iye-Abarimi, mellwaneng ya Moaba. ₄₅Ba tloga Iye-Abarimi ba tsena Diboni-Gada. ₄₆Ba tloga Diboni-Gada ba tsena Alamone-Dibilathaima. ₄₇Ba tloga Alamone-Dibilathaima ba tla dithabeng tša Abarimi go bataganego le thaba ya Nebo. ₄₈Ba tloga thabeng ya Abarimi ba tla molaleng wa Moaba nokeng ya Jorodane mo go lebanago le motse wa Jeriko. ₄₉Ba hloma mešaša mo nokeng ya Jorodane go tloga Bethe-Jesimothe go goma ka Abele-Sithima molaleng wa Moaba. ₅₀Ba le gona moo molaleng wa Moaba nokeng ya Jorodane mo go lebanago le motse wa Jeriko Morena o boletše le Moshe a re: ₅₁Bolela le Baisiraele o re: E re ge le setše noka ya Jorodane, ge le tsene nageng ya Kanana, ₅₂le rake baagi ba naga yeo ka moka ge le fihla, gomme le senye medimo ya bona ka moka ya dikokwane, le medimo ka moka ya diswantšho; le meboto ya medimo ya bona le e phušole. ₅₃Le tšee naga yeo mme le age mo go yona, ka gobane naga yeo ke e neile lena gore le dule mo go yona. ₅₄Le arolelane naga yeo ka go dira matengwa, ka go ya ka meloko ya lena. Ba e lego ba bantši le ba nee e kgolo; ba ba sego bakae le ba nee e nyenyane; gomme tengwa le tlo šupa e a tlogo ba mong wa yona. Le e tšee ka go ya ka mašika a botataweno. ₅₅Fela, ge baagi ba naga yeo le sa ba rake ge le fihla, gona bona bao ba le kago ba lesa, e tlo ba meetlwa ye e tlogo le thula mahlo, le megaletlwa ye e tlogo le ngwara mahlakore; ba tlo le pitlaganya mo nageng yeo le tlogo dula go yona. ₅₆Ke mo tšona tšeo tše ke gopotšego go dira bona, ka tlo di dira bolena.