DIEMA 18

₁Modulathoko o ile le boithatelo; tše bjobana tšohle o ganana natšo.

₂Lešilo ga le rate tlhaloganyo; le rata go utolla tša pelong ya lona.

₃Motho e mobe, ge a tla o tliša dihlong; kgobogo e tla le nyatšego.

₄Polelo tša molomo wa monna ke bodiba, ke noka e elago, mothopo wa bohlale.

₅Go lwela sesenyi kgorong ga go botse; ke go lahla yo bolo tshekong.

₆Melomo ya setlatla e iša kganyeng; molomo wa sona o bitša dikotlo.

₇Molomo wa setlatla o se iša tshenyegong; moreo o tlo go se tanya ke gano la sona.

₈Mantšu a sehwirihwiri a etša diakolo; a fologela kwa gare maleng.

₉Motšwafelatirotšagwe ke ngwanabomotšitlanyi.

₁₀Ina la Morena ke sebo se sethata; moloki o tšhabela gona a phologa.

₁₁Mohumi o re sebo ke lehumo, o re ke morako o mogolo.

₁₂Boipoti bja pelo ya motho bo mo iša thobegong; boipoetšo bo latelwa ke bogolo.

₁₃Mofetolalentšu a sešo a kwišiša, o tlo dira tša bošilo tša mo iša dihlonyeng.

₁₄Pelo e thekga motho bolwetšing; pelo e nyamilego e ka rwalwa ke mang?

₁₅Pelo ya tlhaloganyo e tlo sela tsebo; tsebo tsongwa ke tsebe ya mohlale.

₁₆Mpho e bula tsela; e fihliša motho go bagolo.

₁₇Mmegimoraki o a dumelwa; go tlo tla wa gabo a mmotšolodiša.

₁₈Tengwa a le ripe kgang, le namole ba matla.

₁₉Wa geno, ge o mo lahlile, o tlo pala boka sebo; lehloyo le etša mepheko ya kgoro.

₂₀Mpa ya motho e tlo khora kenyo tša legano lagwe; o tlo khora ge a buna tše a di bjetšego ka molomo.

₂₁Lehu le bophelo di atleng tša leleme; kenyo ya lona e lewa ke a le setšago.

₂₂Mosadi, ge o mo hweditše, o hweditše bolo, o seditšwe ke Morena.

₂₃Mmotlana ke morapeletši; e thata phetolo ke ya mohumi.

₂₄Boati bja bagwera bo tliša tshenyegelo; go na le moratwammotegi mophalangwana weno.