DIEMA 26

₁Setlatla ge se godišwa, ke tšhwane lehlabula, ke pula punong.

₂Lešapa la lefela ga le hlole; ke nonyana, e fofile; ke lefokotšana, le fetile.

₃Sa lekaba ke mogala; sa pokolo ke tshelane; sa lešilo ke kgati mokokotlong.

₄Lešilo se le fetole ka lekabotlatla, o se tlo swana nalo.

₅Fetola lešilo ka la bošilo, le se tlo itshema yo bohlale.

₆Molaeletšataba ka lešilo o ikgaola maoto, o nwa mpholo.

₇Seema ganong ga lešilo ke leoto le le rephilego la segole.

₈Moretalešilo o le file lebje la seragamabje.

₉Seema ganong ga lešilo ke hlako la meetlwa atleng sa setagwa.

₁₀Mothwalasetlatla, mothwalamofeti, ke motsomitlhabagohle.

₁₁Setlatla se boela botlatleng bja sona, bokampja e boelago mahlatšeng a yona.

₁₂Monnamoitshemayobohlale, ge o mmona, o phalwa ke setlaela go holofetša.

₁₃Sebodu se re: Fa tseleng go na le tau; e gona mo mapatlelong.

₁₄Sebodu le dilao, ke lemati lešikaledijakwana.

₁₅Sebodu se iša seatla mogopong, se se sa se iša molomong.

₁₆Sebodu se itshema yo bohlale, se re: Ke phala banna bušupa ba bomaitse.

₁₇Moitsenyaditabengtšabangwe o swara mpjapheti ka ditsebe.

₁₈O etša legafa lebetšadirumola le mesebe le dibolai. ₁₉Ke tša motho e a forilego, mme a nape a re: Naa ke be ke sa bapale?

₂₀Mollo o tima ge go se dikgong; le dikgang di fela ge go se sehwirihwiri.

₂₁Sa legala ke go gotša, sa legong ke mollo, tša senganga ke go tsoša diphapang.

₂₂Mantšu a sehwirihwiri a etša diakolo; a fologela kwa gare maleng.

₂₃Mantšu a lerato, pelo e le mpe, ke tshipitshehla ge e manegile lekopelo.

₂₄Mohloi o ikgakanya ka molomo, mo pelong o loga maanomabe. ₂₅Se mo dumele ge a kwatša botho; pelong ya gagwe go ne tšhila tše šupago. ₂₆Le ge lehloyo le ka khuta ka kaketšo, bobe bya gagwe bo tlo utologa phuthegong.

₂₇Moepamoreo, go tlo wela yena; mokgokološi, lefsika le tlo mmoela.

₂₈Wa leme la maaka o hloya ba a ba sentšego; molomo wa boreledi o iša go weng.