DIEMA 4

₁Hee banaka! Kwang tayo ya rraweno! Theetšang, le ithute tlhaloganyo. ₂Ke le ruta thutobolo; se nyatšeng molao wa ka. ₃Ke be ke le morwa wa tate, ke le ngwanangwako wa mme. ₄Ka rutwa ke thwe: Pelo yago a e sware mantšu a ka; hlokomela ditaelo, ke mo o tlo go phela. ₅Rua bohlale; rua tlhaloganyo; o se lebale puo ya molomo wa ka wa e lahla. ₆Se di tlogele; di go lotole. Di rate, di go diše. ₇Mathomo a bohlale ke go re: Rua bohlale! Ntšha tšohle o di ruilego, o reke tlhaloganyo. ₈E phagamiše, e go godiše. E tla go retiša, ge o ka e gokarela. ₉E tlo go rweša mphapahlogo o botse: e tlo go tlemelela ala sa botšhephi.

₁₀Ngwanaka! Theetša, o amogele mantšu a ka; o tle o atelwe ke mengwaga ya go phela. ₁₁Ke go ruta tsela ya bohlale; ke go gatiša mehlaleng e lokilego. ₁₂Go ka swara ka yona, nao tšago ga di tanywe; go kitima, o ka se ke wa kgopja. ₁₃Gomarela thuto! Se e lahle! E boloke. Ke yona bophelo bja gago. ₁₄O se ke wa wela mmila wa bakgopo; o se gate tsela ya ba babe. ₁₅Šikologa! Se e batamele; e fularele mme o iphetele. ₁₆Gobane bao, ga ba robale ba sešo ba dira bobe; boroko mo go bona ga bo sware ba sešo ba uša motho. ₁₇Gobane ba phela ka bogobe bja bokgopo; ba nwa morara wa tlhakolo.

₁₈Ge e le mmila wa baloki o etša boka mahuba ge a hlatloga, tšatši la ba la hlaba. ₁₉Tsela ya bakgopo e bjalo ka lefsifsi; ga ba tsebe se se tlo go ba kgopa.

₂₀Ngwanaka! Theetša mantšu aka, o sekegele dipolelo tša ka tsebe. ₂₁A di se ke tša go širogela; di boloke mo pelong ya gago. ₂₂Gobane di phediša ba ba di hwetšago; di ba fodiša mmele wohle. ₂₃Mo go tšohle di dišwago, diša pelo yago; gobane bophelo bo hlaga go yona. ₂₄Bofora bja molomo, kgaogana nabjo; maaka a molomo a be kgole nago. ₂₅A mahlo a gago e be a tebathwii; dintšhi tša gago di nepe se o lebanego naso. ₂₆Lekanya bogato bja nao tša gago, ditsela tša gago ka moka di loke. ₂₇Se fapogele ka go le letona, le ge e le go la ntsogošo, o efoše oto lago bobe.