PSALME ya 121

₁Ke llalela kua dithabeng. -- Tlhakodišo ya ka e tlo tšwa kae?

₂Tlhakodišo ya ka e tšwa go Morena, Modiramagodimo le lefase.

₃Leoto la gago a ka se lese la thelela; Moleti wa gago ga a otsele.

₄Aowaa, ga a otsele, ga a robale, yena Moletaisiraele.

₅Morena ke yena moleti wa gago; Morena ke yena moriti wa gago. O tsogong la gago le letona.

₆Letšatši mosegare le ka se go hlabe, le ge e le ngwedi bošego.

₇Morena o tlo go efoša bobe bjohle; o tlo leta moya wa gago.

₈Morena a a go lete matšo le maboyo lehono le neng le neng.