PSALME ya 122

₁Ke thabetše ba go nthera ba re: A re yeng ngwakong wa Morena!

₂Mme maoto a rena a ema mo kgorong tša gago, wena motse wa Jerusalema.

₃Hee Jerusalema, o agilwe wa ba motse wa mabothelele.

₄Meloko e rotogela gona mo, meloko ya Morena, ka mokgwa wa Isiraele, wa go reta leina la Morena.

₅Gona mo go dulwa madulo a kahlolo, madulo a ngwako wa Dafida.

₆Kgopelang Jerusalema khutšo; ba ba go ratago ba letlege.

₇Khutšo e be gona mo dibong tša gago; go iketlwe meagong ya gago ya bogoši.

₈Ke ka lebaka la ba gešo le bagwera ba ka, ge ke re: Hle go be le khutšo mo go wena!

₉A nke ke go kgopelele tše dibotse ka lebaka la Ngwako wa Morena Modimo wa rena.