PSALME ya 34

₁A nke ke rete Morena mehla yohle, mme molomo wa ka o dule o na le sefela sagwe.

₂Moya wa ka o fadiša yena Morena; babotlana ba tlo di kwa mme ba thaba.

₃Godišang Morena gotee le nna, re phagamiše leina lagwe re le mmogo.

₄Morena mola ke mo nyaka o nkwile, a mphološa mo go tšohle tše ke bego ke di šia.

₅Ba go lebelela yena ba wa pelo; difahlogo tša bona ga di šegame.

₆Mmotlana šo, a bitša Morena, a mo kwa, a mo phološa mo mahlomoleng a gagwe ohle.

₇Morongwa wa Morena o goragorela ba ba mmoifago; o a ba namolela.

₈Lekang le bone gobane Morena ke yo bolo; wa lehlogonolo ke monna e a mmotilego.

₉Boifang Morena, lena bakgethwa ba gagwe, gobane ba ba mmoifago ga ba hloke selo.

₁₀Ditau tša masogana di ka hloka tša kwa tlala. Ba ba nyakago Morena ba ka se ke ba ba ba hloka tše di botse.

₁₁Tlang lena bana le nkweng, ke le rute go boifa Morena.

₁₂Ke mang monna e a kgahlwago ke bophelo, a rata matšatši a go bona tše dibotse?

₁₃Lota leleme la gago, le se senye; melomo ya gago e se ke ya bua maaka.

₁₄Kgaogana le tše mpe, o dire tše botse; nyaka molao, o o kganyelele.

₁₅Mahlo a Morena a bona baloki; ditsebe tša gagwe di kwa ge ba lla.

₁₆Gomme sefahlogo sa Morena se lebile ba go dira bobe, gore a ba fetše, ba se hlwe ba tsebja lefaseng.

₁₇Ba goeleditše, Morena a ba kwa; a ba namolela gohle mo ba bego ba tlaletšwe.

₁₈Morena o kgauswi le ba dipelo di robegilego; o phološa meoya e kgobetsi.

₁₉Mahloko a moloki a atile; mme Morena o mo ntšha mo go ona ka moka.

₂₀O mo lotolola ditho tšohle, gwa se robege le setee sa tšona.

₂₁Yo kgopo o hwa ka bokgopo; babekamoloki ba oba molato.

₂₂Bophelo bja balata bagwe Morena o tlo bo lokolla; bohle ba khutago ka yena ba ka se wele molatong.